Aksi di opo kon

◼ A fiti fu poti wi eigi e-mailadres na tapu den publikâsi di wi e prati gi sma?

Wan tu preikiman poti den eigi e-mailadres na tapu den tijdschrift noso den traktaat di den prati gi trawan. Na so fasi den sma di teki den publikâsi kan aksi a preikiman moro sani fu Bijbel. A no de fu taki dati den preikiman e du a sani disi fu di den trutru wani yepi den sma di wani sabi moro fu Bijbel. Ma na bakasei fu den tijdschrift nanga traktaat a website fu na organisâsi fu wi skrifi kaba. Fu dati ede, a bun fu no poti wi eigi e-mailadres na tapu den publikâsi.

A de na wan preikiman srefi fu bosroiti efu a wani skrifi na tapu wan pisi papira fa sma kan miti en, spesrutu efu a sma dati na wan gobaka. Wi no musu wakti teleki sma aksi wi fu kon baka na den so taki den kan kon sabi moro fu Bijbel, ma wisrefi musu meki muiti fu go baka na den sma. Te wi e taki langalanga nanga den sma, dan den kan si taki wi e broko wi ede nanga den trutru.