Sani di yu kan fruteri fu den tijdschrift

A Waktitoren 1 yuli

„Yu denki taki wi leki libisma kan abi wan bun matifasi nanga na Almakti Gado? [Gi a sma na okasi fu piki. Baka dati leisi Tori fu den Apostel 17:27.] Na artikel disi e tyari kon na krin fu san ede wi kan de seiker taki Gado wani taki wi de wan bun mati fu en.” Taki fu na artikel di e bigin na tapu bladzijde 10.

Ontwaakt! yuli

„Furu fu den sani di sma e du fu abi prisiri na ini a ten disi, e sori taki moro nanga moro sma wani sabi sani di abi fu du nanga afkodrei. Yu denki taki a kan abi takru bakapisi te sma e du sani di abi fu du nanga afkodrei? [Gi a sma na okasi fu piki. Baka dati leisi Deuteronomium 18:10-12.] Na artikel disi e sori san Bijbel e taki fu den takru bakapisi di sma kan abi te den e du afkodrei.” Taki fu na artikel di e bigin na tapu bladzijde 10.

A Waktitoren 1 aug.

„Fu di furu problema de di abi fu du nanga a grontapu fu wi, meki furu sma e denki taki sani no o waka bun gi grontapu na ini a ten di e kon. Fa yu e denki fu a tori disi? [Gi a sma na okasi fu piki. Baka dati leisi Psalm 37:11.] A tijdschrift disi e taki fu wan tu sani di skrifi na ini Bijbel èn di e sori wi fu san ede wi kan bribi taki sani sa waka bun gi grontapu.”

Ontwaakt! aug.

„Furu sma de seiker taki ala sani di de na libi na tapu a grontapu fu wi, sa dede te fu kaba fu di grontapu e kon moro faya. Fa yu denki taki a sani disi sa lusu? [Gi a sma na okasi fu piki. Baka dati leisi Yesaya 11:9.] A tijdschrift disi e fruteri fu san ede wi kan de seiker taki grontapu o tan de a tanpe fu libisma.”