Sani di yu kan fruteri fu den tijdschrift

A Waktitoren april-yuni

„A kan muilek srefisrefi fu du san bun te sma e dwengi wi fu du sani tra fasi. San yu denki kan yepi wi fu tan horidoro? [Gi a sma na okasi fu piki. Baka dati leisi Odo 29:25.] A moi artikel disi e taki fu feifi reide fu san ede wi musu frede fu du sani di Gado no feni bun, na presi fu frede libisma.” Taki fu na artikel di e bigin na tapu bladzijde 22.

Ontwaakt! maart

„Wi alamala lobi en te wi abi bun mati. Sortu fasi fu wan mati yu e warderi? [Gi a sma na okasi fu piki.] Luku san a Bijbeltekst disi e taki. [Leisi Odo 17:17.] Na artikel disi abi wan tu rai di e yepi wi fu suku bun mati èn fu de wan bun mati gi trawan.” Taki fu na artikel di e bigin na tapu bladzijde 18.

A Waktitoren april-yuni

„Yu denki taki Gado e arki ala begi? [Gi a sma na okasi fu piki.] Luku san Yesus ben taki fu a tori disi. [Leisi Mateyus 6:7.] Nanga yepi fu Bijbel, a moi artikel disi e gi piki tapu fo aksi di sma lobi poti, èn di abi fu du nanga begi.” Taki fu na artikel di e bigin na tapu bladzijde 14.

Ontwaakt! april

„Soleki fa a sori, dan furu skoropikin abi broko-ede. Yu denki taki sani kon kenki sensi a ten di den papa nanga mama ben yongu? [Gi a sma na okasi fu piki.] Te wan sma e broko en ede tumusi nanga sani di no de fanowdu, dan dati kan tyari takru bakapisi gi en. [Leisi Preikiman 7:7a.] A tijdschrift disi e sori fa bigisma kan yepi yonguwan te den abi broko-ede.”