Sani di yu kan fruteri fu den tijdschrift

A Waktitoren april-yuni

„Te yu e aksi sma fu taki suma den e si leki a moro prenspari man na ini historia, dan furu fu den e taki dati na Yesus. Yu ben o taki dati tu? [Gi a sma na okasi fu piki.] Sma e skrifi furu sani fu Yesus di no e kruderi nanga makandra. Luku fu san ede wi musu pruberi fu kon sabi san tru te a abi fu du nanga Yesus. [Leisi Yohanes 17:3.] A spesrutu Waktitoren disi e sori san Bijbel e taki trutru fu Yesus èn den sani di a leri sma.”

Ontwaakt! maart

„Furu sma abi lespeki gi Bijbel, ma den e feni taki wi no man gebroiki den rai fu Bijbel na ini a ten disi. San yu e denki? [Gi a sma na okasi fu piki. Baka dati leisi Romesma 15:4.] Na artikel disi e sori fu san ede srefi den moro owru pisi fu Bijbel, wi kan gebroiki ete na ini a ten fu wi.” Taki fu na artikel di e bigin na tapu bladzijde 28.

Ontwaakt! april

„A gersi leki wi no abi nofo ten fu du ala sani di wi ben sa wani du. Yu e agri nanga dati? [Gi a sma na okasi fu piki.] Furu sma kon si taki a rai disi bun. [Leisi Filipisma 1:10.] A tijdschrift disi e gi wan tu bun rai di kan yepi wi fu gebroiki wi ten bun.”