A DVD di nen De bijbel — Een boek dat kracht uitoefent in uw leven
Bijbel yepi milyunmilyun sma fu tyari kenki kon na ini den libi so taki den kon tron moro bun sma. San na wan tu Bijbel gronprakseri di kan yepi wi fu lusu problema na ini a ten disi? A no de fu taki dati yu o feni piki tapu na aksi disi te yu luku a felem di nen De bijbel — Een boek dat kracht uitoefent in uw leven. Disi na a di fu tu fu den dri felem na tapu a DVD di nen De Bijbel — Een boek met feiten en profetieën. Baka te yu luku a felem disi, dan piki den aksi di e kon now.
(1) Fu san ede wi kan taki dati Bijbel a no wan buku di moi fu leisi nomo? (Hebr. 4:12) (2) Efu Bijbel kan yepi sma fu abi wan moro bun libi, dan fu san ede libisma abi so furu problema? (3) San na a thema fu Bijbel? (4) Sortu Bijbeltekst kari na ini a felem di kan yepi trowpatna fu (a) taki moro bun nanga makandra? (b) fu hori densrefi fu no atibron? (5) Fa a fasi fa Kresten e si a trowlibi, kan meki taki den abi wan moro bun osofamiri libi? (Ef. 5:28, 29) (6) Sortu tumusi bun eksempre Yehovah gi papa nanga mama? (Mark. 1:9-11) (7) Fa papa nanga mama kan hori wan osofamiri studie di moi? (8) Boiti taki papa nanga mama musu studeri Bijbel nanga den pikin, sortu tra deki-ati Gado Wortu gi den? (9) Fa Bijbel rai kan yepi osofamiri fu lusu problema na moni sei? (10) Te sma no e libi wan krin libi, te den e gebroiki drugs, te den e dringi sopi pasa marki, èn te den abi tumusi furu broko-ede, dan sortu Bijbel gronprakseri o yepi den fu abi wan moro bun gosontu? (11) Sortu pramisi di skrifi na ini Bijbel kan yepi wi fu horidoro? (Yob 33:25; Ps. 145:16) (12) Fa den leri fu Gado Wortu yepi yu fu abi wan moro bun libi? (13) Fa yu kan gebroiki a felem disi fu yepi trawan?