Den Sani Di Yu Frustan fu a Video Di Nen De bijbel — Een boek dat kracht uitoefent in uw leven
Sori fa yu e denki trutru fu a sani di a video disi e leri wi, te yu e piki den aksi di e kon now. (1a) Sortu sani gi milyunmilyun sma a deki-ati fu kon libi na wan moro bun fasi? (Hebr. 4:12) (1b) Sortu prenspari sani wan sma abi fanowdu fu feni a deki-ati disi, èn fu gebroiki en na ini en libi? (2) Sortu bijbeltekst ben kari na ini a video fu yepi trowpatna fu (a) taki moro betre nanga densrefi èn fu (b) man basi na atibron fu den? (3) Fa a fasi fa Kresten e si a trowlibi ben meki taki sma na ini na osofamiri e libi moro bun nanga makandra? (Ef. 5:28, 29) (4) Fa Yehovah Gado gi wan tumusi bun eksempre di a gi pikin den dri sani di den alamala wani èn abi fanowdu, èn fa papa nanga mama na ini a ten disi kan du dati tu? (Mark. 1:9-11) (5) Fu san ede papa nanga mama srefi musu leri den eigi pikin den sani fu Bijbel, èn san e sori taki den musu du dati doronomo? (Deut. 6:6, 7) (6) Fa papa nanga mama kan hori wan moi osofamiri studie? (7) Boiti taki Gado Wortu e gi papa nanga mama deki-ati fu studeri Bijbel nanga den pikin fu den, dan Gado Wortu e gi den deki-ati tu fu gi pikin wan tra sani. San na dati? (8) Fa Bijbel rai kan yepi osofamiri fu man kakafutu gi ekonomia problema? (9) Te sma e teki den gronprakseri fu Bijbel, dan dati e yepi den fu abi moro mendri problema nanga a gosontu fu den. San na den gronprakseri disi? (10) Fa den gronprakseri fu Gado Wortu ben abi krakti tapu yu libi? (11) Fu san ede a kan, taki wan sma di yu miti na ini a diniwroko, e kisi deki-ati fu teki wan bijbelstudie, fu di a luku a video disi?