Overzicht gi a Theokrasia Diniwroko-skoro
Overzicht nanga tapu buku, di abi en fondamenti tapu a materiaal fu a theokrasia diniwroko-skoro fu den wiki fu 4 september mei te nanga 18 december 2000. Gebroiki wan aparti pisi papira fu skrifi den piki fu someni aksi di yu man piki na ini a ten di den gi yu pasi fu du dati.
[Wan tu sani fu hori na prakseri: Soso Bijbel wan sma mag gebroiki fu gi piki tapu ibri aksi na ini a ten fu a schriftelijk overzicht. Den bodoi di tanapu baka den aksi de fu yu ondrosuku sani yusrefi. Den bodoi di e sori na sortu Waktitoren yu musu go, no e kari ala ten den bladzijde nanga den paragraaf.]
Gi piki tapu ibriwan fu den fruklari di e kon now efu den Bun noso Fowtu:
1. Ala di wi musu sorgu taki a fasi fa wi e firi noiti e breni wi gi den seryusu sondu fu trawan, toku wi kan waka baka na eksempre fu Yosef, fu di wi e gi wan sma pardon na wan sari-ati fasi, te a abi berow fu wan ogri di a ben du wi (Gen. 42:21; 45:4, 5). [w99 1/1 blz. 31 par. 2, 3]
2. Boiti taki 1 Kroniki abi wan lijst fu den geslaktilin, a buku disi na soso wan herhaling fu den sani di skrifi na ini den buku Samuèl nanga Kownu. [si-O blz. 75 par. 1]
3. Bijbel e sori go na wán „antikrestes” nomo, di sa kon na wan ten di de na wi fesi. [rs-O blz. 41, 42]
4. Yesus ben sori taki a abi sakafasi di a ben teki a tumusi aparti wroko fu libi a hemel kontren fu kon na grontapu, èn fu kon de leki wan libisma, di lagi moro den engel (Fil. 2:5-8; Hebr. 2:7). [w99 1/2 blz. 6 par. 3]
5. Sabidensiman fu owruten sani, ben feni sani di e sori taki Sisak trutru ben broko go na ini Yuda èn taki a ben fufuru „den gudu fu na oso fu Yehovah èn so srefi den gudu fu na oso fu a kownu” (2 Kron. 12:9). [Alawiki leisipisi fu Bijbel; luku wO88 1/2 blz. 26 par. 3.]
7. Wan sma musu dini Gado sondro taki a e fruwakti fu kisi pai. [w99 15/4 blz. 16 par. 1]
8. Di David ben sori go na den „sani di [Yehovah] e du” soleki fa a skrifi na Psalm 103:2, dan a ben abi na prakseri den sani di Yehovah meki. [w99 15/5 blz. 21 par. 5, 6]
9. Den tempel di Salomo, Serubabel, nanga Herodes ben bow, èn so srefi a tabernakel di Moses ben bow, den alamala e prenki a srefi sani. [si-O blz. 87 par. 16]
10. Den geslaktilin di skrifi na 1 Kroniki no ben tyari bigi winimarki gi a fositen Kresten gemeente. [si-O blz. 78 par. 23]
Piki den aksi di e kon now:
11. Fu san ede Akab osofamiri kisi hebi krutu fu Yehovah? (1 Kow. 16:31; 2 Kow. 9:7, 26) [si-O blz. 74 par. 34]
12. Soleki fa a sori na Mateus 24:45-51, san den sma di fadon komopo na bribi gwenti fu du? [rs-O blz. 40]
13. Sortu prenspari sani di abi fu du nanga tranga eigifasi, wi kan leri fu a tori fu Usia, a Kownu fu Yudea? (2 Kron. 26:15-21) [Alawiki leisipisi fu Bijbel; luku w99 1/12 blz. 26 par. 1, 2.]
14. Sortu krakti les Yesus leri wi nanga a wasi di a ben wasi den futu fu den apostel fu en, na presi taki a leri wi wan gwenti nomo fu wasi a futu fu trawan? (Yoh. 13:4, 5) [w99 1/3 blz. 31 par. 1]
15. Fu san ede a tori di skrifi na 1 Kroniki 14:8-17 ben de wan prenspari tori na ini a ten fu Yesaya, èn fu san ede Krestenhèit na ini a ten disi musu poti prakseri na a tori disi? (Yes. 28:21) [Alawiki leisipisi fu Bijbel; luku wO91 1/6 blz. 21 par. 2, 3.]
16. Sortu sani meki taki den Israèlsma ben lobi a Bâ-al anbegi? [w99 1/4 blz. 29 par. 3-6]
17. Sortu bun les wi kan leri fu a wroko di Hiskia ben du fu sorgu taki feanti no ben teki a watra fu den watra-olo dorosei fu Yerusalem, èn san a ben du fu sorgu taki den sma na ini a foto ben kisi nofo watra? (2 Kron. 32:3, 4) [Alawiki leisipisi fu Bijbel; luku wO96 15/8 p. 6 par. 1, 2.]
18. Fa na eksempre fu Yosia kan gi yongu sma na ini a ten disi deki-ati fu dini Gado èn fu kakafutu gi falsi anbegi? (2 Kron. 34:3, 8, 33) [Alawiki leisipisi fu Bijbel; luku wO90 1/8 blz. 5 par. 2.]
19. A tru taki no wan fu den Dyu di ben tan na ini Babilon ben de getrow, èn sortu bun les wi kan leri fu a sani disi? (Esra 1:3-6) [Alawiki leisipisi fu Bijbel; luku wO86 15/1 blz. 8 par. 4, 7.]
20. San na ini a tori di skrifi na 2 Kroniki 5:13, 14 e sori taki Yehovah ben e arki den moi prèise singi fu en pipel èn taki a ben prisiri so srefi nanga san a ben yere? [Alawiki leisipisi fu Bijbel; luku wO94 1/5 blz. 10 par. 7.]
Poti a (den) wortu noso a pisi fu a prakserilin di de fanowdu fu klari ibriwan fu den fruklari di e kon now:
21. A Kresten di e gi wan tra Kresten rai, musu de seiker taki den sani di a e taki abi den gron na tapu ․․․․․․․ fu Gado, èn no na tapu ․․․․․․․ nanga ․․․․․․․ fu libisma (Kol. 2:8). [w99 15/1 blz. 22 par. 1]
22. Wan sma sa musu fu teki ․․․․․․․ na a pisi ten fu a feti fu ․․․․․․․ (Mat. 12:30; 2 Tes. 1:8). [rs-O blz. 54]
23. Neleki maka di kan tapu yongu prani fu gro kon bigi, na so tumusi furu ․․․․․․․ makandra nanga a kori di ․․․․․․․ e kori sma, kan sorgu taki wan sma no e gro kon lepi na yeye fasi (Mat. 13:19, 22). [w99 15/3 blz. 22 par. 5]
24. A dopu di wan sma e „dopu nanga a marki fu de dedewan”, soleki fa Paulus ben taki na 1 Korentesma 15:29, wani taki dati wan sma e libi dorodoro na wan fasi di sa abi leki bakapisi taki a sa ․․․․․․․ neleki Krestes èn leki bakapisi fu dati a sa kisi wan ․․․․․․․ fu libi wan libi leki wan yeye neleki Krestes. [rs-O blz. 98, 99]
25. Efu wan tru Kresten wani abi bun bakapisi pe Salomo ben misi, dan a musu puru na anbegi di a e anbegi Yehovah ․․․․․․․ noso ․․․․․․․ èn a musu handri akruderi den wortu fu ․․․․․․․ fu ’lobi Yehovah en Gado nanga en heri ati’ (Mat. 22:37; 1 Kron. 28:9). [Alawiki leisipisi fu Bijbel; luku wO86 1/6 blz. 19 par. 17, 18.]
Teki a yoisti piki na ibriwan fu den fruklari di e kon now:
26. A tori di skrifi na 2 Kownu 17:5, 6 e fruteri fa (Tiglat-pileser; Salmaneser V; Esar-hadon) opo go feti nanga a noordsei tin-lo kownukondre Israèl èn dri yari langa a ben lontu Samaria, di te fu kaba fadon gi den Asiriasma na ini (740; 607; 537) b.G.T. [Alawiki leisipisi fu Bijbel; luku wO88 15/2 blz. 27 par. 1.]
27. Fu di 2 Kownu kapitel 25 e taki fu sani di pasa na ini Yerusalem baka di sma ben tyari go na ini katibo na Babilon, dan a kapitel disi e sori go na (Danièl; Esekièl; Yeremia) leki a skrifiman fu a buku èn a e sori tu taki a buku kaba skrifi na wan ten krosibei fu a yari (580; 537; 455) b.G.T. (2 Kow. 25:27). [Alawiki leisipisi fu Bijbel; luku si-O blz. 64 par. 3.]
28. Soleki fa Exodus 4:11 e sori, dan Yehovah Gado ’e meki taki a babaw-wan, noso a dofuwan, noso a wan di e si krin, noso a breniwan de’, san wani taki dati (na fu Yehovah ede meki sma malengri na difrenti fasi; a e poti difrenti sortu sma aparti fu kisi grani fu diniwroko; a gi pasi meki sma e kon malengri na skin sei). [w99 1/5 blz. 28 par. 2]
29. A pisi ten fu 70 yari di 2 Kroniki 36:17-23 e taki fu en, ben kon na wan kaba na ini (537; 607; 677) b.G.T. [si-O blz. 84 par. 35]
30. Den tu leisi nomo di Bijbel e taki fu friyari-oso, dan Bijbel (e taki bun fu den; no e taki bun fu den; no e tyari noti kon na krin fu friyari-oso) (Gen. 40:20-22; Mat. 14:6-10). [rs-O blz. 409]
Luku sortu fu den tekst di e kon now abi fu du nanga den sani di skrifi na ondrosei:
Ex. 21:22, 23; Odo 25:11; Rom. 12:2; 2 Petr. 3:15, 16; Openb. 16:13, 14
31. Wi musu de klariklari fu du muiti fu kenki wi fasi fu denki èn fu furu wi frustan nanga waarheid fu Gado. [w99 1/4 blz. 22 par. 2]
32. Te wan sma e gi wan trawan rai, dan a de wan prenspari sani fu gebroiki den yoisti wortu. [w99 15/1 blz. 23 par. 1]
33. Yehovah sori taki wan sma sa musu teki frantwortu fu a mankeri di a gi wan pikin di de na ini a bere fu wan mama ete. [rs-O blz. 34]
34. A krakti di Satan Didibri abi na sma tapu, e pusu den nâsi go miti wan situwâsi na grontapu di sa abi leki bakapisi wan feti nanga Gado. [rs-O blz. 54]
35. Te wi e drai a boskopu fu den Buku fu Bijbel fu fiti wi eigi denki, dan dati kan abi ogri bakapisi di e tan. [rs-O blz. 76]