Sani di yu kan fruteri fu den tijdschrift

A Waktitoren oktober-december

Baka te yu taki fu wan tori na ini a nyunsu di e gi den sma na ini a kontren drape broko-ede, dan aksi na ososma: „Oiti yu aksi yusrefi fu san ede sma e du ogri? [Gi a sma na okasi fu piki.] Bijbel e gi wi reide fu abi howpu. [Leisi 2 Petrus 3:13.] A tijdschrift disi e sori san e meki taki sma e du ogri soleki fa Bijbel e taki, èn a e sori fa heri esi Gado o tyari wan kaba kon na ogridu.”

Ontwaakt! september

Leisi Mateyus 5:39, èn aksi na ososma: „Yu denki taki Yesus wani taki wi no musu taki noti te sma no e handri bun nanga wi? [Gi a sma na okasi fu piki.] Na artikel disi e sori san Bijbel e taki fu sma di e leri feti fu kibri den libi èn fu sma di e go suku yepi na krutubangi.” Taki fu na artikel di e bigin na tapu bladzijde 10.

Ontwaakt! oktober

„Nofo tron wi e yere taki sma bedrigi den trowpatna, taki den e bedrigi trawan na ini politiek afersi, èn den e bedrigi trawan na tra fasi. Yu denki taki a e kon moro muilek fu feni sma di yu kan frutrow? [Gi a sma na okasi fu piki.] Furu sma feni taki a Bijbeltekst disi e kon tru. [Leisi 2 Timoteyus 3:1-5.] A tijdschrift disi e sori pe yu kan feni sma di yu kan frutrow na ini a ten disi.”