Sani di yu kan fruteri fu den tijdschrift

A Waktitoren oktober-december

„Furu fu wi no sabi san fu taki te wan mati fu wi siki seryusu. Fa yu e denki fu a rai disi? [Leisi Yakobus 1:19. Baka dati gi a sma na okasi fu piki.] Na artikel disi e gi wan tu rai san yu kan du èn den rai disi teki puru fu Bijbel gronprakseri.” Taki fu na artikel di e bigin na tapu bladzijde 14.

Ontwaakt! oktober

„Son sma e feni taki Gado na wan krakti. Trawan e si en leki wan sma di abi firi. Fa yu e denki fu a tori? [Gi a sma na okasi fu piki.] Luku wan moi sani di skrifi dyaso. [Leisi 1 Petrus 5:6, 7.] Na artikel di e bigin na tapu bladzijde 29, e sori fa Bijbel e gi piki tapu na aksi disi: Gado na wan trutru sma?”

A Waktitoren oktober-december

„San yu denki taki sma abi fanowdu fu man de koloku? [Gi a sma na okasi fu piki. Baka dati leisi Mateyus 5:3.] Disi na wan fu den furu sani nomo di Yesus ben taki fu a fasi fa wi kan de koloku. Na artikel disi e sori san wi kan leri fu Yesus te a abi fu du nanga a fasi fa wi kan de koloku trutru.” Taki fu na artikel di e bigin na tapu bladzijde 24.

Ontwaakt! november

„Son sma di no e bribi na ini Gado, e sori go na den ogri sani di sma du na ini Gado nen èn den e feni taki grontapu ben o de wan moro bun presi efu kerki no ben de. San yu e denki? [Gi a sma na okasi fu piki.] Luku wan reide fu san ede falsi bribi meki taki so furu pina de. [Leisi 2 Timoteyus 4:3, 4.] A tijdschrift disi e sori san na wan tu fowtu denki fu sma di no e bribi na ini Gado.”