Sani di yu kan fruteri fu den tijdschrift

Ontwaakt! februari

„Son sma e bribi taki na wan Sma meki ala sani, aladi trawan feni taki buweisi no de gi dati èn taki na wan don sani fu bribi dati. San yu e denki? [Gi a sma na okasi fu piki.] Soleki fa Bijbel e sori, dan wan sma musu abi buweisi fu man bribi wan sani. [Leisi Hebrewsma 11:1.] Na artikel disi e taki fu wan tu buweisi di e sori taki wan Mekiman de.” Taki fu na artikel di e bigin na tapu bladzijde 22.

Ontwaakt! maart

„Kande neleki furu sma yu e fruwondru fu den moi sani di Gado meki. Te yu e luku den sani dati, dan yu e agri taki a sma di meki den, koni? [Gi a sma na okasi fu piki. Baka dati leisi Psalm 104:24.] A tijdschrift disi e gi wan tu eksempre fu a moi fasi fa den sani meki èn a e taki san den e leri wi.”

A Waktitoren april-yuni

„Te yu e aksi sma fu taki suma den e si leki a moro prenspari man na ini historia, dan furu fu den e taki dati na Yesus. Yu ben o taki dati tu? [Gi a sma na okasi fu piki.] Sma e skrifi furu sani fu Yesus di no e kruderi nanga makandra. Luku fu san ede wi musu pruberi fu kon sabi san tru te a abi fu du nanga Yesus. [Leisi Yohanes 17:3.] A spesrutu Waktitoren disi e sori san Bijbel e taki trutru fu Yesus èn den sani di a leri sma.”