Eksempre di yu kan gebroiki

Fa fu bigin Bijbelstudie tapu a fosi satra na ini februari

„Son sma e bribi taki den profeititori na ini Bijbel na sani di e kon tru. Trawan feni taki Bijbel no e taki krinkrin fu den sani di o pasa na ini a ten di e kon, èn fu dati ede sma e fruklari den profeititori na difrenti fasi. Fa yu e denki fu a tori disi?” Gi a sma na okasi fu piki. Baka dati, gi na ososma A Waktitoren fu 1 yanuari èn taki fu den sani di skrifi na a fosi ondro-edeprakseri na tapu bladzijde 16. Leisi awansi wán fu den Bijbeltekst. Gi na ososma den tijdschrift èn seti sani fu go baka na en fu taki fu a piki tapu a tra aksi.

A Waktitoren 1 yanuari

„Wi kan leri furu sani fu den barinen man nanga umasma di ben libi na ini a ten di pasa. Yu e si en so tu? [Gi a sma na okasi fu piki.] A tekst disi e taki fu wan barinen man, a wan-enkri sma di Bijbel e kari ’Gado mati’. [Leisi Yakobus 2:23.] A tijdschrift disi e sori fu san ede Gado ben si en leki en mati èn a e taki san wi kan leri fu Abraham.”

Ontwaakt! yanuari

„A teki di sma e teki tyuku nanga tra fasi fa den e bedrigi sma, na sani di e pasa furu te sma e du bisnis. Son sma feni taki efu yu wani meki yu bisnis drai bun, dan yu musu bedrigi trawan, awinsi na pikinso nomo. San yu denki? [Gi a sma na okasi fu piki.] Luku na odo disi di e meki sma go denki. [Leisi Odo 20:17.] A tijdschrift disi e sori fu san ede a bun fu no bedrigi trawan.”