A website fu wi meki gi wi èn gi tra sma

Yesus gi wi a komando fu preiki a bun nyunsu fu a Kownukondre „na heri grontapu, so taki sma fu ala kondre kan yere dati” (Mat. 24:14). Fu man ’du wi diniwroko finifini’ meki na organisâsi tyari den website www.watchtower.org, www.jw-media.org, nanga www.pr418.com kon tron wán website di nen www.pr418.com.​—2 Tim. 4:5.

„Na heri grontapu”: Pikinmoro afu fu den sma di e libi na grontapu e gebroiki na Internet. Furu sma, spesrutu yonguwan, e go suku sani moro furu tapu Internet. Na a website fu wi, sma kan feni den yoisti piki na tapu aksi di den abi fu Bijbel. A e meki den kon sabi na organisâsi fu Yehovah èn na wan makriki fasi den kan aksi fu kisi wan Bijbelstudie sondro fu pai gi dati. Na so fasi den sma di no abi furu okasi fu yere a Kownukondre boskopu na ini son kondre, kan yere a bun nyunsu tu.

„Sma fu ala kondre”: Fu man preiki a bun nyunsu gi „sma fu ala kondre”, meki a de fanowdu taki den tru leri fu Bijbel de fu feni na ini difrenti tongo. Den sma di e go na a website www.pr418.com kan feni tori na ini sowan 400 tongo, moro leki na iniwan tra website. Sonwan fu den tongo no abi ala sani na tapu a site.

Gebroiki en bun: A nyun website di nen www.pr418.com no meki nomo fu preiki gi sma di no de Kotoigi. A meki so taki Yehovah Kotoigi kan gebroiki en tu. Efu yu abi Internet, dan wi e gi yu a deki-ati fu sabi wroko nanga a www.pr418.com website. Now wi o sori unu fa unu kan gebroiki en.

[Prenki na tapu bladzijde 3 di e tyari sani kon na krin]

(Efu yu wani si pe den sani disi skrifi, luku a Kownukondre diniwroko)

Pruberi disi

1 Skrifi www.pr418.com/nl na a Internet browser fu yu computer.

2 Luku den difrenti sani di de na tapu a site. Fu eksempre, go na den tra link.

3 Pruberi fu go na a www.pr418.com website na tapu yu cellulair noso yu tablet computer. Awinsi o pikin den sani disi de, toku yu o man si ala sani fu a site na tapu.