Meki Gado Wortu abi krakti tapu sma na ini a preikiwroko
Te wan sma gi wi na okasi fu fruteri en a bun nyunsu, dan wi e gebroiki na okasi dati bun èn wi e leisi langalanga fu Bijbel so taki Gado Wortu kan abi krakti na en tapu. Na fu a sani disi wi ben taki na a spesrutu dei konmakandra fu a dienstyari 2013. A kring-opziener ben hori wan lezing di nen „Meki Gado Wortu abi krakti tapu sma na ini a preikiwroko”. Yu man memre den prenspari penti?
Fu san ede a Wortu fu Yehovah abi moro krakti leki den sani di wi e taki?—2 Tim. 3:16, 17.
Fa Bijbel kan abi krakti na tapu sma firi? Fa a kan kenki sma denki èn fa a kan yepi sma fu du sani nanga wan krin ati? Fa a kan yepi sma fu kenki a fasi fa den e tyari densrefi?—Luku A Waktitoren fu 15 yuni 2012, blz. 27 par. 7.
Te wi e leisi wan tekst gi wan ososma, dan fa wi kan gebroiki Gado Wortu na so wan fasi taki a sma o abi lespeki gi dati?—Luku a Diniwroko skoro-buku blz. 148 par. 3, 4 nanga Wi Kownukondre diniwroko fu maart 2013, blz. 6 par. 8.
Fu san ede a prenspari fu fruklari wan tekst di wi leisi gi wan ososma èn fu taki-go-taki-kon fu a tekst dati? Fa wi kan du dati?—Tori 17:2, 3; luku a Diniwroko skoro-buku blz. 154 par. 4 te go miti blz. 156 par. 4.