Fa fu du wi diniwroko moro bun​—Yepi nyunwan

Fu san ede a prenspari: Nyun disipel fu Yesus musu leri fu „du ala san” a taigi wi fu du. Disi wani taki tu dati den musu leri trawan den tru tori fu Bijbel (Mat. 28:19, 20). Furu nyunwan de kaba na tapu a Theokrasia Diniwroko-skoro èn a kan taki den fruteri den famiri nanga mati san den leri fu Yehovah. Ma te den e kisi moro warderi gi den sani di den e leri èn te den kon frustan taki Yehovah wani taki ala sortu sma musu yere a bun nyunsu, dan a kan taki den o wani go na ini a preikiwroko tu (Rom. 10:13, 14). Baka te den nyunwan tron preikiman di no dopu ete, dan den musu kisi bun leri. Disi o yepi den fu no frede fu preiki.​—Luk. 6:40.