Den wortu disi musu de na ini un ati
Papa nanga mama de leki skapuman. Den musu sorgu den pikin fu den bun, fu di den kan lasi pasi makriki èn ogri kan miti den (Odo 27:23). Fa papa nanga mama kan du dati? Den musu teki ten ibri dei fu taki nanga den pikin fu kon sabi fa den pikin e denki èn fa den e firi (Odo 20:5). Papa nanga mama musu du muiti tu fu meki a bribi fu den pikin kon tranga so taki den man horidoro te tesi miti den (1 Kor. 3:10-15). A felem Den wortu disi musu de na ini un ati e sori o prenspari a de fu hori na Osofamiri Anbegi ibri wiki. Luku a felem nanga yu osofamiri èn taki fu den aksi di e kon now.
(1) San meki taki Famiri Keizer no ben e poti so furu prakseri moro na a anbegi fu den? (2) Fu san ede sani no waka bun di Brada Keizer pruberi fu hori na Osofamiri Anbegi na a bigin? (3) Sortu Bijbel rai kan yepi papa nanga mama fu kweki den pikin fu den bun? (Deut. 6:6, 7) (4) San kan yepi wan osofamiri fu taki moro bun nanga makandra? (5) San papa nanga mama musu du gi den pikin fu den, aladi a no makriki ala ten? (6) Fa Brada nanga Sisa Bronne ben de wan deki-ati gi Famiri Keizer? (Odo 27:17) (7) San wan papa musu du na fesi efu a wani taki na Osofamiri Anbegi waka bun? (8) San Brada Keizer du fu meki sani go moro bun nanga en osofamiri? (9) Fu san ede a de prenspari taki na Osofamiri Anbegi e hori ibri wiki? (Ef. 6:4) (10) San na wan tu moi sani di yu kan du na a Osofamiri Anbegi? (11) Fa Brada Keizer yepi Mark fu frustan taki a prenspari fu du san bun? (Yer. 17:9) (12) Fa Brada nanga Sisa Keizer taki nanga Sabrina fu yepi en fu teki wan yoisti bosroiti di a ben hori nanga Justin? (Mark. 12:30; 2 Tim. 2:22) (13) Fa den kenki di Brada nanga Sisa Keizer ben e tyari kon na ini den libi sori taki den abi bribi? (Mat. 6:33) (14) Fa a felem disi e sori taki a prenspari taki osofamiri-edeman e studeri nanga den osofamiri? (1 Tim. 5:8) (15) Osofamiri-edeman, san yu bosroiti fu du now?
WAN SANI GI DEN OSOFAMIRI-EDEMAN: A drama disi ben de fu si na a kongres fu 2011. Baka di yu luku a drama, yu ben si taki yu musu kenki wan tu sani fu hori na Osofamiri Anbegi moro bun? Ma fa sani e waka now? Efu yu musu tyari moro kenki kon, dan grantangi begi fu a tori disi èn tyari den kenki kon so taki yu osofamiri kan kisi blesi fu têgo.—Ef. 5:15-17.