Yu e gebroiki a JW Library app?

A JW Library app na wan gratis app di yu kan poti na tapu yu cel, tablet, noso computer. Yu kan gebroiki na app disi fu download Bijbel, buku, felem, nanga sani fu arki.

PE YU KAN FENI EN: Suku a JW Library app na wan app store tapu Internet èn installeer en. Yu kan installeer en na tapu yu cel, tablet, noso computer. Te yu abi Internet, dan yu kan opo a JW Library app èn luku sortu buku noso tra sani yu wani poti na tapu yu cel, tablet, noso computer. Efu yu no abi Internet na yu oso, dan kande yu kan download den sani disi te yu de na wan tra presi di abi Internet, soleki wan Kownukondre zaal, wan bibliotheek, noso wan cyber. Efu yu download den buku noso tra sani di yu wani, dan yu no abi fu go tapu Internet moro fu leisi noso arki den. Fu di a JW Library app abi nyun sani ala ten, meki ten na ten yu musu go tapu Internet fu luku efu update de di yu musu installeer.

FU SAN EDE A BUN FU ABI EN? A JW Library app e meki en moro makriki fu studeri Bijbel èn fu teki prati na den gemeente konmakandra. A e yepi wi tu na ini a preikiwroko, spesrutu te wi e preiki gi sma na tra okasi.