Fasi fa wi kan gebroiki a JW Library app

FU STUDERI:

• Leisi Bijbel nanga a deitekst

• Leisi a yaribuku, tijdschrift, a Studie-buku nanga tra buku. Gebroiki Bookmark fu feni son sani baka di yu ben leisi

• Sreka yusrefi gi den gemeente konmakandra èn highlight den piki

• Luku felem

NA DEN KONMAKANDRA:

• Suku den Bijbeltekst di a takiman e leisi. Druk na tapu History fu go baka na wan tekst di yu ben leisi

• Yu no abi fu tyari wan lo buku kon na a konmakandra. Na presi fu dati yu kan gebroiki yu cel noso tablet fu singi èn fu teki prati na den difrenti pisi fu a konmakandra. A JW Library app abi den nyun singi di no de ete na ini a singibuku

NA INI A PREIKIWROKO:

• Sori wan sma di wani sabi moro, wan sani na ini a JW Library app èn yepi en fu download na app nanga den buku na tapu en eigi cel noso tablet

• Go na Search fu suku wan Bijbeltekst. Yu kan feni en te yu e skrifi wan wortu noso wan pisi fu a tekst

• Sori wan sma wan felem. Efu na ososma abi pikin, yu kan prei wan fu den Tron wan mati fu Yehovah felem gi den. Noso yu kan sori na ososma a felem Fu san ede wi musu studeri Bijbel? fu gi en deki-ati fu bigin nanga wan Bijbelstudie. Efu wan sma e taki wan tra tongo, dan sori en wan felem na ini a tongo fu en

• Sori wan sma wan Bijbeltekst na ini wan Bijbel di yu download kaba na ini wan tra tongo. Suku a Bijbeltekst, druk na tapu a vers èn druk na tapu a pikin Bijbel di opo kon, dan yu o si a srefi vers na ini a tra Bijbel