Fa fu preiki moro bun​—Gebroiki a buku „Meki Gado tan lobi yu” fu doro na ati fu yu studenti

FU SAN EDE A PRENSPARI: Efu sma wani dini Yehovah na wan fasi di a feni bun, dan den musu leri sabi den wet fu en èn den musu hori densrefi na den wet disi (Yes 2:3, 4). A di fu tu buku di wi e studeri nanga sma, a Gado lobi-buku, e yepi den fu fiti Bijbel rai na ini den libi (Heb 5:14). Te wi e gi leri, wi musu pruberi fu doro na ati fu wi studenti, so taki den kan tyari kenki kon na ini den libi.​—Ro 6:17.

FA FU DU DATI:

• Sreka yusrefi bun èn hori na prakseri san a studenti abi fanowdu. Poti aksi di o yepi yu fu kon sabi fa a studenti e denki noso fa a e firi fu a tori.​—Odo 20:5; be 259

• Gebroiki den faki na ini a buku fu yepi a studenti fu si sortu wini a e tyari kon te a e du san Bijbel e taki

• Te a studenti musu teki wan bosroiti pe a musu meki en konsensi tiri en, dan yepi en fu si fa Bijbel rai kan yepi en. Ma no teki bosroiti gi en.​—Ga 6:5

• Pruberi fu si efu a studenti abi yepi fanowdu fu fiti son Bijbel rai na ini en libi. Gi en deki-ati fu tyari kenki kon, ma du dati na wan switifasi. Sori en taki a lobi di a abi gi Yehovah o yepi en fu du dati.​—Odo 27:11; Yoh 14:31