„Dya mi de! Seni mi”

A bun fu teki a moi eksempre di Yesaya gi wi. A ben abi wan tranga bribi èn a ben de klariklari fu go du wan wroko, aladi a no ben sabi fa a ben o de (Yes 6:8). Yu kan seti yu libi na so wan fasi taki yu man go dini pe moro Kownukondre preikiman de fanowdu? (Ps 110:3) A no de fu taki dati yu musu „teri den kostu” fu luku efu yu man froisi (Lu 14:27, 28). Ma fu man du moro na ini a preikiwroko, yu musu de klariklari fu libi son sani na baka (Mt 8:20; Mr 10:28-30). Soleki fa wi si na ini a felem Froisi go na wan presi pe moro preikiman de fanowdu, dan den blesi di wi o kisi na ini a diniwroko fu Yehovah o furu moro den sani di wi libi na baka.

BAKA TE UNU LUKU A FELEM, DAN POTI DEN AKSI DISI:

• San Famiri Williams ben musu libi na baka fu man go dini na Ekwador?

• Sortu sani den luku fu man bosroiti pe den o go dini?

• Sortu blesi den kisi?

• Efu yu wani go dini pe moro preikiman de fanowdu, dan fa yu kan kon sabi pe yu kan go yepi?

TE YU O HORI YU OSOFAMIRI ANBEGI TRA LEISI, DAN TAKI FU DEN AKSI DISI:

• Fa na osofamiri fu wi kan du moro na ini a preikiwroko? (km 8/11 4-6)

• Efu wi no man go dini pe moro preikiman de fanowdu, dan fa wi kan yepi na ini wi eigi gemeente? (w16.03 23-25)