Fa wi musu gebroiki a brochure Suma e du a wani fu Yehovah na ini a ten disi?

Den brada meki a brochure Suma e du a wani fu Yehovah na ini a ten disi? so taki wi kan luku en nanga wi Bijbelstudie na a bigin noso na a kaba fu ibri studie.a Pisi 1 te go miti 4 e yepi den Bijbelstudie fu kon sabi suma na wi. Pisi 5 te go miti 14 e meki den kon sabi den sani di wi e du. Pisi 15 te go miti 28 e sori den fa na organisâsi fu wi e drai. Nofo tron a moro bun fu bigin nanga a fosi les èn go doro nanga den trawan. Ma efu a sma wani sabi wan sani wantewante, dan yu kan luku a les di e taki fu a tori. Ibri les na wán bladzijde nomo èn nofo tron yu kan teki feifi te go miti tin miniti fu taki fu a les.

• 

  Poti prakseri na a aksi na a bigin fu a les

• Leisi a heri les noso leisi èn taki fu ibri paragraaf aparti

• Te yu e taki fu san unu leisi, dan gebroiki den aksi nanga den prenki na ondrosei fu a bladzijde. Luku sortu Bijbeltekst yu kan leisi èn taki fu den. Sori a studenti taki den edeprakseri di skrifi nanga fatu letter e piki na aksi na a bigin

• Efu wan les abi a faki di nen „Kon sabi moro”, dan leisi en makandra nanga a Bijbelstudie èn gi en deki-ati fu du san skrifi na ini a faki