WI KRESTEN LIBI
Gebroiki yu libi fu prèise Yehovah!
A libi na wan diri kado. A fasi fa wi e gebroiki a kado disi ibri dei e sori o furu wi e warderi en. Leki Yehovah Kotoigi, wi e pruberi fu gebroiki den koni di wi abi fu gi grani nanga glori na Yehovah, a sma di gi wi libi (Ps 36:9; Opb 4:11). Ma fu di a libi na ini na ogri grontapu disi lai broko-ede, meki a kan pasa makriki taki wi no e poti so furu prakseri moro na a anbegi fu wi (Mr 4:18, 19). A bun te ibriwan fu wi e aksi wisrefi: ’Mi e gi Yehovah a moro bun sani di mi abi? (Ho 14:2) O furu ten mi wroko noso den sani di mi e du e teki fu mi? San mi abi na prakseri fu du gi Yehovah? Fa mi kan du moro na ini a diniwroko?’ Efu yu si taki wan tu sani de di yu kan kenki, dan begi Yehovah meki a yepi yu, so taki yu kan tyari kenki kon. Wi kan de seiker taki te wi e prèise Yehovah ibri dei fu wi libi, dan wi o de koloku trutru!—Ps 61:8.
Suma yu e dini nanga den koni di yu abi?
LUKU A FELEM GEBROIKI YU KONI FU DINI YEHOVAH. BAKA DATI PIKI DEN AKSI DISI:
Fu san ede a no de wan koni sani fu gebroiki yu koni na ini Satan grontapu? (1Yo 2:17)
Sortu blesi sma e kisi te den e gi Yehovah a moro bun sani di den abi?
Yu kan gebroiki den koni di yu abi fu du santa wroko gi Yehovah. Kari wan tu sani di yu kan du.