Fa fu preiki moro bun​—Tyari wan gobaka

FU SAN EDE A PRENSPARI: Furu sma di e arki a Kownukondre boskopu wani kon sabi suma na Gado trutru (Yes 55:6). Efu wi wani yepi den fu kon sabi moro, dan wi musu go na den ibri tron baka. A situwâsi fu ibri sma de tra fasi, sobun wi musu luku na sortu fasi wi kan yepi den. Wi o man du disi soso te wi e sreka bun na fesi èn te wi sabi fu san wi o taki te wi go baka na den. Wi musu hori na prakseri taki wi e go na den fu bigin wan Bijbelstudie.

FA FU DU EN:

• Pruberi fu go baka na a sma so esi leki a kan, kande baka wan tu dei srefi.​—Mt 13:19

• Sori switifasi èn lespeki. No senwe

• Taki a sma odi na wan switi fasi èn kari en na en nen. Taigi en fu san ede yu kon baka na en. Kande yu go baka fu piki wan aksi, fu tyari nyun tijdschrift, fu sori en a website, fu sori en wan felem noso fu sori en fa wi e studeri Bijbel nanga sma. Efu a e taki fu wan tra tori di a wani sabi, dan taki fu dati.​—Fp 2:4

• Taki fu wan Bijbeltekst nanga en noso gi en wan sani fu leisi. Te yu e du disi, dan yu e gi watra na a siri di prani na ini en ati (1Kor 3:6). Pruberi fu kon sabi a sma

• Seti sani fu go baka na a sma