Gebroiki felem te yu e studeri nanga sma

Prenki, felem, karta, nanga tra sani di yu man si e yepi sma fu frustan sani moro bun èn fu memre den sani di a leri. Wi Gran Leriman, Yehovah, ben gebroiki sani tu di sma ben man si nanga den ai, fu leri den prenspari tori (Ge 15:5; Yer 18:1-6). A Bigi Leriman Yesus, ben e du dati tu (Mt 18:2-6; 22:19-21). Wan sani di yepi furu sma na ini den yari di pasa, na den felem fu wi. Yu e gebroiki felem te yu e studeri Bijbel nanga wan sma?

Na organisâsi sreka tin felem fu yepi wi te wi e studeri a brochure Gado abi bun nyunsu gi wi! nanga wan sma. Ibriwan fu den felem abi fu du nanga wan fu den aksi di skrifi na ini fatu letter na ini a brochure. Efu yu abi a brochure tapu yu telefon noso tablet, dan yu o si wan link di o sori yu o ten yu musu prei den felem. Tra felem de tu di abi fu du nanga den buku na ini a Teaching Toolbox.

Yu e taki fu wan Bijbel tori di yu Bijbelstudenti no man frustan so makriki? Noso a studenti fu yu e kisi tesi? Luku tapu jw.org® nanga JW Broadcasting® fu feni wan felem di o yepi en. Kande yu kan luku a felem nanga en èn taki fu en.

Ibri mun, nyun felem e kon na doro. Te yu e luku den felem disi, dan prakseri fa yu kan gebroiki den te yu e gi sma leri.