GUDU NA INI GADO WORTU | 2 KORENTESMA 11-13
A „maka” na ini Paulus skin
Furu tron Bijbel e gebroiki a wortu „maka” na wan agersi fasi. „Maka” kan abi fu du nanga sma di e trobi trawan èn e gi den mankeri, noso nanga sani di e tyari problema kon (Nu 33:55; Odo 22:5; Ese 28:24). Di Paulus ben taki dati a abi ’wan maka na ini en skin’, dan kande a ben e taki fu den falsi apostel nanga tra sma di ben feni taki a no ben de wan trutru apostel èn di ben e krutu a wroko fu en. Fa den Bijbeltekst na ondrosei e sori taki a „maka” na ini Paulus en skin ben kan abi fu du nanga wan tra sani?
San na a „maka” di yu abi na ini yu skin?
Te yu abi wan maka na ini yu skin, dan fa yu kan sori taki yu e frutrow tapu Yehovah?