Kenki a fasi fa unu ben de fosi èn kon tron nyun sma

3:5-14

Yu tyari furu kenki kon di yu kon na ini a waarheid? Yu kan de seiker taki Yehovah breiti taki yu meki a muiti dati (Ese 33:11). Ma wi musu tan du muiti fu sori den nyun fasi di wi musu abi èn wi musu sorgu taki wi no kisi den owru fasi fu wi baka. Piki den aksi di e kon now fu si san yu kan du moro bun:

• Mi e mandi ete tapu wan sma di ben du wan hati sani nanga mi?

• Mi abi pasensi nanga trawan, srefi te mi no abi ten noso te mi weri?

• Efu mi e prakseri wan sani di no fiti, mi e puru a prakseri dati na mi ede wantewante?

• Mi e denki takru fu sma fu wan tra ras noso fu wan tra kondre?

• Mi taki grofu nanga wan sma a wiki disi noso mi puru atibron na en tapu?