„Tan prakseri ala den sani disi”

San na den sani di wi musu prakseri? Filipisma 4:8 e taki dati wi musu prakseri sani di tru, sani di seryusu, sani di reti, sani di krin, sani di e meki sma sori lobi, sani di sma e taki bun fu den, sani di bun èn sani di warti fu sma prèise den. Disi no wani taki dati Kresten musu prakseri soso Bijbel heri dei. Ma den sani di wi e prakseri dipi na ini wi ati musu de sani di Yehovah feni bun. A no musu de sani di o meki en moro muilek gi wi fu tan gi yesi na en.​—Ps 19:14.

A no makriki ala ten fu wai pasi gi prakseri di no bun. Boiti taki wi musu basi wi eigi sondu skin, wi musu kakafutu tu gi Satan, „a gado fu a grontapu disi” (2Kor 4:4). Furu fu den sani na radio, na telefisi, tapu Internet, noso na ini buku, na sani di no fiti fu di Satan abi krakti na den tapu. Wi musu luku bun nanga sortu sani wi e furu wi frustan, fu di den sani dati kan abi krakti tapu a denki fu wi èn te fu kaba wi kan go du den sani dati tu.​—Yak 1:14, 15.

LUKU A FELEM SAN KAN TAPU WI FU TAI HORI NA YEHOVAH?​—TE WI E LUKU NOSO ARKI SANI DI NO FITI. BAKA DATI, PIKI DEN AKSI DISI:

• 

  San a brada ben e luku tapu en telefon èn fa dati ben abi krakti na en tapu?

• 

  Fa Galasiasma 6:7, 8 nanga Psalm 119:37 yepi en?