O furu warderi yu abi gi Gado Wortu?

Na ini Bijbel wi kan feni den prakseri nanga boskopu fu Yehovah Gado, di meki sma skrifi a buku disi (2Pe 1:20, 21). Bijbel e sori krin taki Gado wawan abi a reti fu tiri hemel nanga grontapu èn taki a o du disi nanga yepi fu en Kownukondre. Na so Bijbel e gi ala sma a howpu taki heri esi a libi o kon bun. Bijbel e sori wi tu taki wi Gado Yehovah na wan lobi-ati Papa.​—Ps 86:15.

Difrenti sani de di e meki taki ibriwan fu wi lobi a Wortu fu Yehovah trutru. Ma wi e sori taki wi e warderi a moi kado disi? Wi e leisi en ibri dei èn wi e fiti san wi leri na ini wi libi? Meki wi tyari wisrefi na wan fasi di e sori taki wi e agri nanga a psalm skrifiman di ben taki: „Mi lobi a wèt fu yu srefisrefi.”​—Ps 119:97.

LUKU A FELEM DEN BEN ABI FURU WARDERI GI BIJBEL​—WAN SYATU PISI (WILLIAM TYNDALE). BAKA DATI, PIKI DEN AKSI DISI:

• 

  Fu san ede William Tyndale ben vertaal son pisi fu Bijbel?

• Te wi e luku a muiti di a meki fu vertaal Bijbel, dan fu san ede wi kan taki dati na wan kefalek sani a du?

• Fa sma ben smokkel kopi fu a Tyndale Bijbel go na Ingrisikondre?

• Fa ibriwan fu wi kan sori taki wi e warderi a Wortu fu Gado?