Yonguwan​—Yehovah de a moro bun mati fu yu?

Sortu fasi yu wani taki den mati fu yu abi? Kande yu wani taki den abi switifasi, taki den lobi fu gi sani noso taki den de fu frutrow. Yehovah abi ala den fasi disi (Eks 34:6; Tori 14:17). A e arki yu te yu e taki nanga en. A e yepi yu te dati de fanowdu (Ps 18:19, 35). A e gi yu pardon te yu meki wan fowtu (1Yo 1:9). Yehovah na trutru wan bun mati!

Fa yu kan de wan mati fu Yehovah? Leisi en wortu èn kon sabi en. Fruteri en den sani di yu no ben o wani fruteri nowan tra sma (Ps 62:8; 142:2). Sori taki yu e warderi den sani di Yehovah e si leki prenspari sani. Sani soleki en Manpikin, a Kownukondre nanga den sani di a pramisi. Fruteri tra sma fu Yehovah (De 32:3). Efu yu e du muiti fu abi wan bun matifasi nanga Yehovah a o de yu mati fu ala ten.​—Ps 73:25, 26, 28.

LUKU A FELEM YONGUWAN​—„TESI ÈN SI TAKI YEHOVAH BUN,” BAKA DATI PIKI DEN AKSI DISI:

• 

  San yu musu du fu gi yusrefi abra èn teki dopu?

• 

  Fa trawan na ini a gemeente kan yepi yu fu dini Yehovah?

• 

  Fa a preikiwroko kan meki yu tron wan moro bun mati fu Yehovah?

• 

  Sortu wroko yu kan du na ini na organisâsi fu Yehovah?

• San yu lobi fu Yehovah?