Gi Yehovah den moro bun sani

5:5-7, 11

Pôtifasi no ben man tapu wan sma na ini Israel fu meki en bun baka nanga Yehovah. Srefi den moro pôtisma ben kan gi Yehovah wan ofrandi di a ben feni bun, solanga a ben de a moro bun sani di den abi. Den ben kan tyari blon leki ofrandi, ma Yehovah ben e fruwakti taki a musu de „fini blon” di sma ben e gebroiki te den ben kisi spesrutu fisitiman (Ge 18:6). Na ini a ten disi Yehovah e teki den ’prèise ofrandi’ di wi e tyari gi en, solanga wi du ala san wi man fu gi en a moro bun sani.​—Heb 13:15.

Fa a sani disi kan gi yu deki-ati efu yu no man du so furu moro fu di yu abi gosontu problema?