Kibri yu trowlibi

Yehovah e si a pramisi di wi meki te wi trow, leki wan seryusu sani. A taki dati wan masra nanga en wefi musu tan na makandra (Mt 19:5, 6). A pipel fu Gado abi furu trowpaar di de koloku. Toku nowan trowlibi de sondro fowtu. Problema o kon. Wi no musu kisi a denki di furu sma abi taki te problema de na ini a trowlibi, dan a moro bun fu prati noso brokotrow. Fa Kresten trowpaar kan kibri a trowlibi fu den?

Luku feifi prenspari sani di kan yepi yu.

1. Kibri yu ati. No sori lobi firi gi wan sma di no de yu trowpatna èn no luku sani di no fiti, fu di den sani disi kan swaki a trowlibi fu yu.​—Mt 5:28; 2Pe 2:14.

2. Meki a matifasi fu yu nanga Gado kon moro tranga, èn tan meki muiti fu du sani soleki fa a wani na ini yu trowlibi.​—Ps 97:10.

3. Tan meki muiti fu kisi den nyun fasi di Gado wani taki wi musu abi èn du sani gi yu patna di o meki a de nanga moro prisiri.​—Kol 3:8-10, 12-14.

4. Taki bun nanga makandra èn na wan lespeki fasi.​—Kol 4:6.

5. Hori den seksfiri fu yu patna na prakseri èn sori lobi gi en.​—1Kor 7:3, 4; 10:24.

Te Kresten e lespeki makandra na ini a trowlibi, dan den e gi grani na Yehovah, a sma di seti a trowlibi.

LUKU A FELEM WI MUSU „HORIDORO TE WI E LON A STREILON”​—HORI YUSREFI NA DEN REGEL FU A STREILON. BAKA DATI PIKI DEN AKSI DISI:

• 

  Awinsi wan trowlibi bigin bun, san kan pasa bakaten?

• 

  Fa den gronprakseri na ini Bijbel kan yepi den wan di e firi leki lobi no de na ini a trowlibi fu den?

• 

  San na den regel di Yehovah poti gi sma di trow?

• San man nanga uma musu du efu den wani taki a trowlibi fu den waka bun?