WI KRESTEN LIBI
Den kongres na moi okasi fu sori lobi
Fu san ede wi lobi de na den kongres di e hori ala yari? Neleki den fesa na ini Israel, na so den kongres ini a ten disi e gi wi na okasi fu anbegi Yehovah makandra nanga hondrohondro noso dusundusun brada nanga sisa fu wi. Wi lobi den leri di wi e kisi na den okasi disi. Den e yepi wi fu tan krosibei na Yehovah. Wi e warderi den okasi disi tu fu di wi kan de makandra nanga mati nanga famiri. Dati meki wi e du ala san wi man fu de ala dri dei na a kongres.
Te wi de na den sortu okasi disi wi no wani denki nomo san wisrefi kan kisi, ma wi wani luku tu fa wi kan sori lobi gi trawan (Ga 6:10; Heb 10:24, 25). Te wi e opo wan doro gi wan brada noso sisa noso te wi e hori sidonpresi gi wisrefi nomo, dan wi e sori taki wi e poti prakseri na trawan tu (Fil. 2:3, 4). Den kongres e gi wi moi okasi fu kan meki nyun mati. Fosi a programa èn baka a programa, noso na ini a pauze, wi kan go taki nanga wan sma di wi no sabi (2Kor 6:13). Na den okasi disi wi kan feni mati di o tan fu têgo! Boiti dati, te tra sma e si fa wi e sori trutru lobi, dan den kan bosroiti fu kon dini Yehovah makandra nanga wi.—Yoh 13:35.
LUKU A FELEM „LOBI NO E KABA NOITI!” INTERNATIONAAL KONGRES. BAKA DATI PIKI DEN AKSI DISI:
Fa brada nanga sisa ben sori lobi gi den grupu di ben go na den internationaal kongres fu 2019?
Fu san ede a wánfasi nanga a lobi di de mindri Gado pipel de so aparti?
San den brada fu a Tiri Skin ben taki fu a lobi di Kresten musu sori makandra?
Fa yu kan sori lobi na den kongres fu wi?
Fa brada nanga sisa na ini Doisrikondre nanga Zuid-Korea sori lobi gi makandra?
San musu de wi fasti bosroiti?