Sori lobi na ini yu osofamiri

Lobi na a lijm di e plak sma na ini wan osofamiri kon na makandra. Efu lobi no de na ini wan osofamiri, wánfasi no o de èn den no o man wroko bun nanga makandra. Fa masra, wefi, papa nanga mama kan sori lobi na ini na osofamiri?

Wan masra di lobi en wefi e poti prakseri na den sani di en wefi abi fanowdu. A o poti prakseri na a fasi fa a e si sani èn a o hori den firi fu en na prakseri (Ef 5:28, 29). A o sorgu gi den sani di en osofamiri abi fanowdu èn a o yepi den fu kon moro krosibei na Yehovah. Disi wani taki tu dati a e hori na Osofamiri Anbegi nanga den ibri wiki (1Ti 5:8). Wan wefi di lobi en masra o saka ensrefi èn a o sori „dipi lespeki” gi en (Ef 5:22, 33; 1Pe 3:1-6). Den ala tu musu de klariklari fu gi makandra pardon nanga den heri ati (Ef 4:32). Papa nanga mama di lobi den pikin e sori taki den e broko den ede nanga ibriwan fu den pikin èn den e leri den fu lobi Yehovah (De 6:6, 7; Ef 6:4). Sortu problema den pikin e miti na skoro? San den e du te trawan wani dwengi den fu du sani di no bun? Te lobi de ini na osofamiri dan ala sma o firi bun.

LUKU A FELEM TAN SORI LOBI NA INI YU OSOFAMIRI. BAKA DATI PIKI DEN AKSI DISI:

• 

  Fa wan masra di lobi en wefi e sori taki a e broko en ede nanga en èn taki a e warderi en?

• 

  Fa wan wefi di lobi en masra e sori dipi lespeki gi en?

• 

  Fa papa nanga mama di lobi den pikin e meki Gado Wortu doro na ati fu den?