Yu de srekasreka efu dyugudyugu bigin na ini yu kondre?

O moro a kaba fu a grontapu disi e kon krosibei, o moro wi kan fruwakti taki feti nanga tra problema o de (Opb 6:4). Fa wi kan sreka wisrefi nownow gi den sani disi?

• Tranga yu bribi nownow kaba: Suku Bijbeltekst nanga tori di o yepi yu fu tan frutrow tapu Yehovah nanga en organisâsi èn di o yepi yu fu no teki sei (Odo 12:5; jr 166-167 ¶23-24). Now na a ten fu tron bun mati fu brada nanga sisa na ini a gemeente.​—1Pe 4:7, 8

• Sreka sani di yu o abi fanowdu: Sreka sani na fesi, so taki yu abi den sani di de fanowdu efu yu musu tan na oso fu wan pisi ten. Bosroiti na fesi tu fa yu o du sani efu yu o abi fu gowe libi yu oso. Luku san de na ini yu rampu-tas èn sorgu taki yu abi sani na ini di o yepi yu fu kibri yusrefi. Sani soleki handschoen, mondmasker nanga moni. Sabi fa yu musu meki kontakt nanga den owruman èn sorgu taki den man meki kontakt nanga yu.​—Yes 32:2; g17-O 5 3-7

Te feti broko na ini a kondre, dan tan du sani fu tranga yu bribi (Fp 1:10). Suku fu tan na wan presi, boiti efu yu musu lowe (Mt 10:16). Prati san yu abi nanga trawan.​—Ro 12:13

LUKU A FELEM YU DE SREKASREKA EFU WAN RAMPU KON? BAKA DATI PIKI DEN AKSI DISI:

• Fa Yehovah kan yepi wi te rampu pasa?

• Fa wi kan sreka wisrefi?

• Fa wi kan yepi trawan te wan rampu pasa?