De srekasreka na ini a lasti pisi fu „den lasti dei”

Fu di wi e libi na ini a lasti pisi fu „den lasti dei,” meki wi kan fruwakti taki wi o kisi moro problema (2Ti 3:1; Mt 24:8). Furu leisi a pipel fu Yehovah e kisi rai na fesi fa fu du sani te wan rampu pasa. Efu nownow wi e sreka wisrefi fu abi wan tranga bribi èn fu luku san wi o abi fanowdu na a ten dati, dan dati kan yepi wi fu pasa den muilek ten disi.​—Lu 16:10.

• Tranga yu bribi nownow kaba: Abi a gwenti fu du sani di e tranga yu bribi. Leri fu du a preikiwroko na difrenti fasi. No bruya efu yu no man miti nanga brada nanga sisa fu a gemeente fu wan pisi ten (Yes 30:15). Hori na prakseri taki Yehovah nanga Yesus de nanga yu ala ten.​—od 176 ¶15-17

• Sreka sani di yu o abi fanowdu: Boiti taki ibri osofamiri abi den rampu-tas, den musu abi nofo nyanyan, watra, dresi nanga tra sani efu den musu tan na wan presi fu wan pisi ten.​—Odo 22:3; g17-O 5 4, 6

LUKU A FELEM YU DE SREKASREKA EFU WAN RAMPU KON? BAKA DATI PIKI DEN AKSI DISI:

• 

  Fa wi kan sreka wisrefi na yeye fasi gi wan rampu?

• 

  Fu san ede . . .

  • den owruman musu abi a yoisti adres nanga telefon nomru fu wi?

  • wi musu sreka wan rampu-tas?

  • wi musu luku sortu rampu kan pasa na ini a kontren fu wi, èn san wi musu du na ini ibriwan fu den situwâsi disi?

• 

  San na dri fasi fa wi kan yepi trawan di kisi fu du nanga rampu?

AKSI YUSREFI: ’San a corona-siki leri wi fu a fasi fa wi musu de srekasreka gi rampu?’