Abi a frutrow taki yu o man horidoro te yu abi moni problema

A libi na ini de lasti dei disi muilek srefisrefi. Fu di a kaba fu na ogri grontapu disi e kon moro krosibei, meki wi o kisi fu du nanga moro problema. Kande wi o mankeri son sani di wi abi fanowdu ini a aladei libi (Hab 3:16-18). San o yepi wi fu no bruya awinsi wi abi moni problema? Wi musu tan frutrow tapu wi Gado Yehovah. A ben pramisi taki a o luku den futuboi fu en èn a kan sorgu taki wi kisi san wi abi fanowdu awinsi fa a situwâsi de.​—Ps 37:18, 19; Heb 13:5, 6.

San yu kan du:

• Begi Yehovah fu gi yu koni èn fu yepi yu.​—Ps 62:8

• De klariklari fu du wroko di yu no ben gwenti du.​—g-O 1/10 8-9, den faki

• Tan leisi Gado Wortu ibri dei, tan go na den gemeente konmakandra èn tan du a preikiwroko

LUKU A FELEM BOW WAN OSO DI O TAN TANAPU​—„UN MUSU BREITI NANGA DEN SANI DI UNU ABI NOW”. BAKA DATI PIKI DEN AKSI DISI:

• Sortu problema son osofamiri ben abi?

• San na a moro prenspari sani na ini a libi?

• Fa wi kan yepi trawan di abi moni problema?