WI KRESTEN LIBI
Si yusrefi leki fa Yehovah e si yu
„Yehovah e prisiri nanga en pipel” (Ps 149:4). Awinsi wi e meki fowtu, toku Yehovah e si den bun fasi fu wi èn a sabi san wi ben o man du ini a ten di e kon. Ma a kan muilek gi wi son leisi fu si den bun fasi fu wisrefi. Kande tra sma e du sani nanga wi di e meki wi firi leki wi no warti noti. Efu wi e tan prakseri den fowtu di wi ben meki fosi, dan wi kan tweifri efu Yehovah kan lobi wi trutru. San kan yepi wi te wi e firi so?
Hori na prakseri taki Yehovah man si san libisma no man si (1Sa 16:7). Dati wani taki dati a e si moro leki san wi man si ini wisrefi. Bijbel e yepi wi fu frustan fa Yehovah e si wi. Te wi e leisi son Bijbeltekst nanga Bijbeltori, dan wi o man si o furu Yehovah lobi den sma di e anbegi en.
LUKU A FELEM DE SEIKER NA INI YU ATI TAKI YEHOVAH NO E KRUTU YU. BAKA DATI PIKI DEN AKSI DISI:
San na agersitori fu a boi di ben e lon wan streilon èn a fasi fa en papa ben si en e leri wi fu Yehovah?
Efu wan sma du wan seryusu sondu èn a du san de fanowdu fu meki en bun baka nanga Yehovah, dan fa a kan de seiker na ini en ati taki Yehovah lobi en?—1Yh 3:19, 20
Fa a brada kisi wini di a leisi èn denki dipi fu den tori fu David nanga Yosafat?