WI KRESTEN LIBI
Yehovah na wan „papa gi den pikin di no abi papa moro”
Ibri yari furu yongu sma e bosroiti fu tron Yehovah mati (Ps 110:3). Un yonguwan, Yehovah e broko en ede trutru nanga ibriwan fu unu. A e frustan taki a libi no makelek gi unu èn a pramisi taki a o yepi unu fu man dini en. Efu na yu papa noso yu mama wawan kweki yu, dan hori na prakseri taki Yehovah e tron wan „papa gi den pikin di no abi papa moro” (Ps 68:5). Yehovah kan leri yu san yu musu du fu meki sani waka bun gi yu, awinsi fa a situwâsi fu yu de na oso.—1Pe 5:10.
LUKU A FELEM DEN TAN FETI GI A BRIBI FU DEN—SMA DI WAN PAPA NOSO WAN MAMA WAWAN KWEKI. BAKA DATI PIKI DEN AKSI DISI:
San yu leri fu na eksempre fu Tammy, Charles nanga Jimmy?
Sortu dyaranti den pikin di wan papa noso wan mama wawan e kweki kan feni na ini Psalm 27:10?