Yu kan yepi fu meki yu osofamiri de nanga prisiri

Yehovah wani taki ala osofamiri de koloku (Ps 127:3-5; Pr 9:9; 11:9). Ma te a grontapu disi e meki wi stress èn te famiriman fu wi e meki fowtu, dan wi kan lasi wi prisiri. San ibri sma kan du so taki ala sma ini na osofamiri e prisiri?

Wan masra musu gi en wefi grani (1Pe 3:7). A e meki ten gi en. A no e aksi tumusi furu fu en èn a e sori en wefi taki a de nanga tangi gi san a e du gi en nanga den pikin (Kol 3:15). A e taigi en wefi taki a lobi en èn a e prèise en.​—Odo 31:28, 31.

Wan wefi e luku fa a kan horibaka gi en masra (Odo 31:12). A e saka ensrefi na ondro en masra èn a e wroko makandra nanga en (Kol 3:18). A e taki switi nanga en masra èn a e taki bun fu en.​—Odo 31:26.

Papa nanga mama e meki ten gi den pikin fu den (De 6:6, 7). Den e taigi den pikin taki den lobi den (Mt 3:17). Te den e piri-ai gi den pikin, dan den e du dati nanga lobi èn nanga koni.​—Ef 6:4.

Pikin e lespeki den papa nanga mama èn den e gi yesi na den (Odo 23:22). Den e fruteri den fa den e denki èn fa den e firi. Den e teki a piri-ai fu den papa nanga mama èn den e sori lespeki gi den.​—Odo 19:20.

LUKU A FELEM PRISIRI NANGA YU OSOFAMIRI. BAKA DATI PIKI NA AKSI DISI:

San ibri sma du fu meki prisiri de ini na osofamiri?