Fa yu kan studeri moro bun
Luku san na den moro prenspari sani
Wi alamala musu meki ten fu studeri. San na a moro bun fasi fa wi kan gebroiki a ten dati? A fosi sani di yu kan du, na fu teki nofo ten gi a sani di yu e leisi. Fu taki en leti, yu o kisi moro wini te yu e teki yu ten fu studeri wán sani bun, leki te yu e leisi wan lo sani esi-esi.
Baka dati, luku san na den moro prenspari sani (Ef. 5:15, 16). Luku san yu kan du:
Leisi Bijbel ibri dei (Ps. 1:2). Yu kan bigin nanga a pisi fu Bijbel di wi musu leisi ibri wiki gi a mindriwiki konmakandra.
Sreka gi a Waktitoren-studie èn gi a mindriwiki konmakandra. Pruberi fu sreka bun so taki yu kan gi piki.—Ps. 22:22.
A ben o bun tu fu leisi èn fu luku tra sani soleki den tijdschrift gi a preikiwroko, den felem, nanga den sani di de fu si tapu jw.org.
Studeri wan tori di e hari yu prakseri. Yu kan ondrosuku sani di abi fu du nanga wan tesi di e miti yu now, wan aksi di yu abi, noso wan Bijbel penti di yu wani frustan moro bun. Efu yu wani sabi sortu sani yu kan studeri, dan go na a pisi di nen „Projecten voor Bijbelstudie” tapu jw.org.