Yu kan feni bun rai na ini a ten disi?

Na ini a grontapu fu wi sani e kenki es’esi. Fa yu kan de seiker taki den besroiti di yu o teki o bun gi yu èn taki den o meki yu koloku? Fa yu kan de seiker taki san sma e si leki bun sani tide, den no o si leki takru sani tamara?

Bijbel kan yepi yu fu teki besroiti di no o hati yu bakaten. Fa dati kan? Bijbel kon fu wi Mekiman èn a sabi san o meki wi koloku trutru èn san o kibri wi gi ogri.

Wi kan fertrow den koni rai fu Bijbel. „Fu ala ten yu kan fertrow den.”​—Psalm 111:8.

Yu no wani ondrosuku gi yusrefi fa Bijbel kan yepi yu na ini a grontapu disi di e kenki es’esi?