Sma kisi pardon fu den sondu fu den fosi a lusu-paiman ben pai

Wi kan kisi pardon fu den sondu fu wi soso nanga yepi fu a lusu-paiman di Yesus pai nanga en brudu (Ef. 1:7). Ma toku Bijbel e taki: „[Gado] sori pasensi èn a gi sma pardon fu den sondu di den du na ini a ten di pasa”, dati wani taki fosi Yesus ben pai a lusu-paiman (Rom. 3:25). Fa Yehovah ben kan du dati èn tan wan Gado fu retidu?

Gi Yehovah, a lusu-paiman ben pai kba di a bosroiti taki wan „bakapikin” ben o ferlusu libisma di e poti bribi na ini en (Gen. 3:15; 22:18). Gado ben de seiker taki en wan-enkri Manpikin ben o de klariklari fu pai a lusu-paiman na a ten te Gado ben wani taki a du dati (Gal. 4:4; Hebr. 10:7-10). Di Yesus ben e teki presi gi Gado na grontapu, a ben abi a makti fu gi sma pardon fu den sondu fu den fosi a lusu-paiman ben pai. Yesus ben kan du dati fu di a ben sabi taki na ofrandi fu en ben o tapu den sondu fu den.​—Mat. 9:2-6.