Leri fu den prenki

Den tijdschrift nanga buku fu wi lai nanga prenki di e leri wi prenspari sani. Fa den prenki disi kan yepi yu fu ferstan sani moro bun?

• Luku den prenki fosi yu e leisi na artikel. Den prenki kan hari yu prakseri èn den kan gi yu dek’ati fu leisi na artikel. Yu kan agersi en nanga wan preti switi n’nyan. Te yu e si a n’nyan dati, dan yu no man wakti fu nyan en. Sobun, aksi yusrefi: ’San mi e si?’​—Amos 7:7, 8.

• Te yu e leisi na artikel, dan prakseri fu san ede den prenki dati de na ini. Efu a prenki abi wan ondro-edeprakseri, noso efu a skrifi san de fu si tapu a prenki, dan leisi dati. Luku san a prenki abi fu du nanga a tori na ini na artikel èn fa yu kan fiti san yu e leri fu a prenki.

• Te yu kba leisi na artikel, dan luku den prenki baka èn gebroiki den fu yepi yu fu memre den prenspari sani di na artikel e leri. Baka dati, tapu yu ai èn pruberi fu memre den prenki èn san yu leri fu den.

• Luku den prenki na ini a tijdschrift disi baka, fu si efu yu man memre den sani di yu leri.