Howpu de na ini a yari 2024?​​—⁠San Bijbel e taki?

Furu sma feni taki wan lusu no de gi den probleem di wi o miti na ini 2024. Ma tòg wi kan bribi taki sani o go bun na ini a ten di e kon. Fu san ede wi kan bribi dati?

Bijbel e gi wi howpu

Bijbel e pramisi taki Gado o lusu ala probleem di e meki a gersi leki howpu no de gi wi na ini a ten disi. Dalek Gado „o figi ala watra puru na [wi] ai èn dede no o de moro. Nowan sari, noso krei, noso pen no o de moro.”​—Openbaring 21:4.

• Efu yu wani kon sabi san Bijbel e pramisi gi a ten di e kon, dan leisi na artikel di nen „Echte hoop op betere tijden.”

Ma fa Bijbel kan yepi yu nownow kba?

Bijbel e pramisi wi taki wi kan bribi taki sani o go moro bun na ini a ten di e kon. Dati kan yepi yu fu no abi takru denki moro èn fu de nanga prisiri fu di yu sabi taki sani o go moro bun (Romesma 15:13). Ma den bun rai fu Bijbel kan yepi yu nownow kba fu sabi san yu kan du nanga den probleem di e miti yu, soleki pôtifasi, kruktudu nanga siki.

• Luku fa a howpu di Bijbel e gi yepi wan man fu firi korostu èn fu de koloku aladi a ben pôti di a ben yongu. Luku a felem di nen Juan Pablo Zermeño: Yehovah meki mi kon abi wan bun libi.

• Luku tu fa Bijbel kan yepi yu te yu abi konsensi fonfon, te yu e sari, te yu abi brok’ede èn te wan lobiwan fu yu lasi libi. Leisi na artikel di nen „Den kisi trowstu di problema miti den?”

• Luku na ondrofenitori fu wan frow di ben de wan srudati fosi. A ben taki fu ensrefi taki a „no ben abi nowan howpu èn taki a no ben broko en ede nanga sma”. Ma Bijbel gi en howpu baka. Luku a felem di nen Ik heb mijn geweer weggedaan.

Meki a yari 2024 de wan bun yari gi yu nanga yu osofamiri. Leri fa Bijbel kan yepi yu nanga dati. Yu kan teki a gratis Bijbelstudie fu wi. Luku fa Gado kan meki yu „abi wan bun libi” nownow kba. Luku tu fa a kan meki ’sani waka bun gi yu na ini a ten di e kon èn fa a kan meki taki yu abi howpu’.​—Yeremia 29:11.