Suma yu kan fertrow?—⁠San Bijbel e taki?

Libisma e firi sari te den wan di ben musu de fu fertrow no e du san den pramisi. Furu sma no e poti fertrow moro tapu . . .

• politiek fesiman di e suku wini gi densrefi, na presi fu poti prakseri na san a pipel abi fanowdu.

• nyunsuman di e ferteri nyunsu di no tru.

• sabiman di e ondrosuku sani di no e hari furu sma prakseri.

• kerki fesiman di e horbaka fayafaya gi politiek, na presi fu opo taki gi Gado.

A bun taki libisma e luku bun suma den e fertrow. Bijbel e warskow:

• „No poti un fertrow na tapu heihei sma  . . , bika den no man ferlusu unu.”​—Psalm 146:3.

Wan sma di yu kan fertrow

 Bijbel e taki fu wan sma di yu kan fertrow: Yesus Krestes. A no ben de wan bun man nomo di ben libi hondrohondro yari psa. Gado poti Yesus fu „tiri fu têgo leki Kownu. . . , èn en Kownukondre o tan fu ala ten” (Lukas 1:32, 33). Yesus na a Kownu fu Gado Kownukondre, wan tirimakti di e tiri kba na ini hemel.​—Mateyus 6:10.

• Efu yu wani kon sabi fu san ede yu kan fertrow Yesus, dan leisi den artikel „Suma na a Kownu fu Gado Kownukondre?” nanga „San Gado Kownukondre o du?”