Fa wi kan firi koloku na ini wan ten pe sani no de seiker?​—San Bijbel e taki?

Na ini a ten disi pe sani no de seiker, wi no man du furu te wan sani e psa nanga wi. Ma a no situwâsi fu wi o meki taki wi e firi koloku, ma na a fasi fa wi e denki. Bijbel e taki dati „gi den sma di e prisiri na ini den ati, a gersi leki den abi wan fesa ala ten”, awinsi sortu problema den abi (Odo 15:15). San wi kan du fu firi moro koloku? Luku fa den rai fu Bijbel kan yepi yu.

San yu kan du te yu abi broko’ede?

Na ini Bijbel skrifi: „Tumsi furu brok’ede o meki wan sma lasi’ati, ma te sma e taki switi nanga en, dan a e firi prisiri baka.”​—Odo 12:25.

• Bijbel kan yepi yu te yu abi tumsi furu brok’ede. Fu sabi fa Bijbel kan yepi yu, dan leisi na artikel di nen „De zienswijze van de Bijbel​—Bezorgdheid.”

San yu kan du fu no firi taki yu de yu w’wan?

Na ini Bijbel skrifi: „Wan trutru mati e sori lobi ala ten. En na wan brada di gebore fu te nowtu de.”​—Odo 17:17.

• Bijbel abi rai di e yepi yu fu feni mati so taki yu no abi fu firi leki yu de yu w’wan. Leisi na artikel di nen „Suku mati fu no firi yu w’wan​—Fa Bijbel kan yepi?.”

Kon lobi Gado nanga tra sma

Na ini Bijbel skrifi: „Yu musu lobi Yehovah yu Gado nanga yu heri ati, nanga yu heri libi, èn nanga yu heri frustan. . . . Yu musu lobi tra sma leki fa yu lobi yusrefi.”a​—Mateyus 22:37-39.

• Te yu e begi, dan dati o yepi yu fu abi moro lobi gi Gado. Fu sabi moro fu a tori disi, dan leisi na artikel di nen „Gado e arki den begi fu wi?”

• Wi kan sori taki wi lobi trawan te wi e du bun gi den. Fu kon sabi moro fu a tori disi, dan leisi na artikel di nen „Wat is de Gulden Regel?”

Yu wani sabi fa Bijbel kan yepi yu firi koloku na ini a muilek ten disi pe sani no de seiker? Wel, wi wani aksi yu fu studeri Bijbel nanga wi sondro fu pai gi dati.