Yehovah no o tapu en ai gi wan sma di e firi brokosaka

David skrifi Psalm 51 baka di a profeiti Natan taki nanga en fu a seryusu sondu di a du nanga Batseiba. Fu di David en konsensi ben e fon en, meki a sori sakafasi èn a taki san a du.​—2Sa 12:1-14.

David ben sondu, ma a ben kan tron wan mati baka fu Gado

51:3, 4, 8-12, 17

• Di David no ben sori berow ete èn di a no ben taki fu a sondu fu en, a no ben e firi bun srefisrefi

• Fu di a ben hati en srefisrefi taki Gado no feni en bun moro, meki a ben e firi leki en bonyo ben masi

• A ben e angri fu kisi pardon, a ben wani kon bun baka nanga Gado èn a ben wani de nanga prisiri baka leki fosi

• Nanga sakafasi a begi Yehovah fu yepi en, so taki a ben kan gi yesi na en nanga en heri ati

• A ben abi a frutrow taki Yehovah ben o gi en pardon