Verwijzing gi „Wi Kresten libi nanga a preikiwroko konmakandra”

Verwijzing gi Wi Kresten libi nanga a preikiwroko studie-buku

11-17 MAART

GUDU NA INI GADO WORTU | PSALM 18

„Yehovah na. . . mi frulusuman”

Diki moro dipi

it-1-O 410 ¶3

Kerub-engel

Den kerub-engel disi no ben de leki den falsi gado di ben abi bun bigi fri di den tra kondre sma ben e anbegi, soleki fa son sma e taki. Den kerub-engel ben meki leki libisma soleki fa den buku di e taki fositen tori fu den Dyu e beweisi (Bijbel no e taki noti fu a tori disi). Den ben de moin sani di sma ben meki nanga anu, den e prenki moi meke sani fu hemel èn den meki „soifri leki” fa Yehovah ben sori Moses (Eks 25:9). Apostel Paulus ben taki dati den de ‘tumusi moi kerub-engel di a skaduw fu den ben e tapu a tapun fu a santa kisi’ (Heb 9:5). Den kerub-engel disi ben e sori taki Yehovah ben de na mindri den Israelsma. Yehovah ben taki: „Drape mi sa sori misrefi na yu. Mi sa taki nanga yu na tapusei fu a tapun, na mindri den tu kerub-engel di de na tapu a santa kisi fu a frubontu” (Eks 25:22; Nu 7:89). Disi e sori taki Yehovah ben de „na tapusei (noso na mindri) fu den kerub-engel” (1Sa 4:4; 2Sa 6:2; 2Kw 19:15; 1Kr 13:6; Ps 80:1; 99:1; Yes 37:16). Na agersi fasi den Kerub-engel disi ben e „prenki a wagi fu Gado” tapu san a ben e rei (1Kr 28:18). Den frei fu den kerub-engel ben meki na sowan fasi taki yu ben kan kisi kibri fu en èn a ben e buweigi esi-esi. Dati meki David ben singi taki Yehovah ben „rèi kon na tapu wan kerub-engel èn a frei kon”. A ben de fu si „na tapu den frei fu wan yeye” sosrefi.—2Sa 22:11; Ps 18:10.

18-24 MAART

GUDU NA INI GADO WORTU | PSALM 19-21

„Hemel e taki fu a glori fu Gado”

g95-O 8/11 7 ¶3

Libisma no e gi Gado nofo grani gi den sani di a meki

Te wi e kon abi moro warderi gi den sani di Gado meki, dan dati kan yepi wi fu kon leri sabi en moro bun. Wan leisi di Yesus ben de nanga den bakaman fu en, a taigi den fu luku bun fa den sabana bromki na ini Galilea e gro. Yesus ben taki: „Leri wan sani fu den leilibromki na ini a sabana èn luku fa den e gro. Den no e wroko tranga èn den no e meki krosi. Ma mi e taigi unu taki srefi Kownu Salomo di ben abi someni glori no ben weri so moi leki wan fu den bromki disi” (Mateyus 6:28, 29). A moi fasi fa Yehovah meki wan sabana bromki én fa a e sorgu gi en e memre wi taki a man du a srefi sani gi a libisma famiri tu.

15-21 APRIL

GUDU NA INI GADO WORTU | PSALM 29-31

Piri-ai—Na wan fasi fa Gado e sori lobi

it-1-O 12 ¶9

Fesi

Fu ’kibri en fesi’ wani taki difrenti sani na ini difrenti situwâsi. Furu tron te Yehovah kribi en fesi, dan dati wani taki dati a drai baka noso a no e gebroiki en krakti fu yepi wan sma noso grupu fu sma moro. Dati kan pasa fu di a sma noso wan grupu fu sma no e hori den komando fu en, soleki fa a pipel fu Israel ben du (Yob 34:29; Ps 30:5-8; Yes 54:8; 59:2). Na ini son situwâsi, a kan wani taki tu dati Yehovah no e sori ensrefi én a no e du wan sani, fu di a e wakti a ten di a poti noso a yoisti ten fu gi wan piki (Ps 13:1-3). David ben aksi: „No luku den sondu fu mi,” di a ben e begi Gado fu gi en pardon noso fu poti den sondu fu en na wan sei.—Ps 51:9; luku sosrefi Ps 10:11.