Leri fu den Buku: Obadya 1-21
Den warskow fu Gado di abi krakti tapu yu
„A SMA di fasi yu, e fasi mi popki fu mi ay” (Zachariya 2:8). Den wortu dati di e tapu skreki gi sma, abi gi ala sma wan warskow boskopu ini den: Yehovah e si fa nasi e behandel en pipri. Ma san e psa nanga wan nâsi di no e broko ede kwetikweti fu so wan warskow fu Gado èn di e du ogri na Gado pipri? A moro syatuwan fu den buku ini Hebrew skrifi, Obadya, e gi na piki tapu dati.
Ranpu gi Edom
No wan sma kan komoto Yehovah krutu. Ini a profeyti tori fu Obadya di na so wan sani 607 bifo G.T ben taki, ben taki a fesi taki den Edomsma, aladi a ben gersi taki den ben abi wan bun posisi hey „a mindri den stari”, ben sa trusu puru fu na kondre fu den. Èn aladi noti tyari kon a krin fu na persoonlek libi fu na beybri skrifiman disi, toku a e gi grani na san en nen wani taki „knegti fu Yehovah”. Fa? Fu di a bariwroko gi wan krutu fu pori. Te a nâsi Edom fadon, dan mati di de na ini wan frubontu nanga en sa ffuru en gwe krinkrin. Srefi den koniwan nanga maktiwan fu en no sa tan na libi. — 1-9.
Gado e tyari ranpu kon tapu den sma di e gi den srefi abra fu du en pipri ogri. San na a reyde gi na ranpu fu den Edomsma? Ogridu doronomo kontrari den manpikin fu Yakob, den brada fu den. Leki bakapikin fu Esau dan den Edomsma ben de famiri fu den Israëlsma. Toku den ben kisi a fowtu taki den ben ffuru den famiri fu den leygi, ben prisiri na wan ogri-atifasi fu a fadon fu Yerusalem èn ben go srefi so fara taki den ben gi sma di ben tan a libi abra na a feyanti. Na so fasi na pori fu Edom ben de wan sani di ben stanpu poti de. — 10-16.
Na oso fu Yakob e kon bun baka
Den pramisi fu Yehovah de alaten tru. Ini Obadya ten Yehovah ben gi na dyaranti taki en pipri no wwan ben sa kisi den eygi kondre baka, ma ben sa abi furu moro. Israël no ben sa prati na pisipisi moro langa. Na oso fu Yakob, na tu lo kownukondre Yuda, ben sa kon de wán nanga na oso fu Yosef, na noordsey kownukondre, fu nyan Edom puru so leki faya e nyan den pisipisi tiki èn e teki na kontren fu Edom abra. Obadya e tapu nanga den wortu di e gi deki-ati te a e fruteri taki den Israëlsma di e dray go baka na den kondre sa anbegi a Gado fu den leki wán man èn sa de den sma di sa saka den srefi na en ondro. Iya, na kownu wroko sa de fu Yehovah. — 17-21.
Leri gi na ten disi: Te sma e poti warskow na wan sey, dan disi e abi takru bakapisi. Fu dati-ede na krakti warskow fu Obadya gi Edom e bari na ini den yesi fu den disiten gensman fu Gado: Den sma di e feti nanga Yehovah èn nanGa en pipri, sa koti puru fu têgo.
Leri fu den Buku: Yona 1:1—4:11.
TAN FARAWE FU ranpu! Kisi sari-ati! Fa? Te yu poti prakseri tapu den leri di wi kan leri fu a tori di owru moro leki 2800 yari — na buku Yona. Na wan pisiten fu 844 bifo G.T. na profeyti Yona fu Galileya ben skrifi en èn a e kotoygi fu yeye inzicht.
Yona e lowe
Wi musu abi na frutrow taki Yehovah sa hori baka gi wi na ini en dienst. Ma Yona e lowe fu wan wroko di Gado ben gi en na presi fu frutrow taki Yehovah sa hori baka gi en. A de tru taki a no ben abi wan makriki wroko fu du. A ben musu go warskow na ogri Ninevé di ben de sondro syen gi den ranpu di ben o kon fu Gado. Ma Yona e go na wan heri tra sey èn e go ini wan sipi di e go na Tarsis, di de now Spanyorokondre. Na pasi so wan bigi winti e kon taki a sipi nanga den sma di de na ini e suku fu sungu. Yona e fruteri en sondu, den matrosi e trowe en go ini se, èn na se e kon tiri. Wan bigi fisi e swari na profeyti. — 1:1-17.
Gado dienstknegti kan abi na frutrow taki a sa yere na begi fu den. Na ini a fisi Yona e bari kari Yehovah fu yepi, e taki Gado tangi na ini begi fu na fri di a kon fri fu na grebi fu seman èn e pramisi fu pay den pramisi fu en. Te fu kba [a fisi] e spiti en go tapu drey gron. — 2:1-10.
Yona e go na Ninevé
No lon komoto gi no wan wroko fu Yehovah. A de krin taki baka di a ben leri a lès si, na profeyti di dey no ben wani fu go preyki, e preyki now. na in „na bigi foto”. Yona e meki sma yere wan eenvoudig ma krin warskow: „Ete fo tenti dey èn Ninevé sa dray fu ondro go na tapu.” Den sani di ben psa e kenki na so wan aparti fasi fu di den Ninevé sma ben abi berow èn na so fasi e lon komoto gi na ranpu. — 3:1-10.
Libisma no kan syatu na sari-atifasi fu Gado. Na atibron fu Yona e kon bigi fu di Ninevé no e way puru. Nanga yepi fu wan bon Yehovah e leri Yona taki En sa sori sari-ati ini akruderi nanga En eygi prisiri. — 4:1-11.
Leri gi na ten disi: Ranpu kan psa te sma e poti prakseri tapu den profeyti tori fu Gado. Waka baka den Ninevésma. Arki nanga sakafasi na Yeyses Krestes, wan profeyti di moro bigi leki Yona. — Lukas 11:32.
[Faki na tapu bladzijde 47]
TEKST DI WI E LUKU MORO BUN
○ Obadya vers 7 — ’Nyan nnyan’ nanga wan sma makandra, ben wani taki na ini beybri ten wan frubontu leki mati. Fa disi de wan lafu sani! Den Babylonsma ’man di ben de ini wan frubontu’, nanga den Edomsma, ben sa sori taki den de den sma di ben o pori en. Den Babylonsma na ini Nebukadnezar ten kande ben gi Edom pasi fu teki afu fu na sani di ben wini puru na ini Yuda anu, baka di Yerusalem ben pori. Ma na bakaten Babylon kownu Nabonidus ben skotu ala bisnis nanga gridi wini anbisi fu Edom krinkrin.
○ 10 — Na sani di ben poti taki ’Edom musu koti puru fu ten di no abi marki’ fu den tranga bita-atifasi èn den mankeri fu firi lobi sondro fu abi sari-ati gi en brada nâsi, „den man-pikin fu Yuda” (vers 12). So wan pori fu wan nâsi ben wani taki taki wan kondre fu Edom nanga wan tiri èn sma di ben libi drape tapu wan spesrutu presi na grontapu, ben sa figi puru fu na fesi fu na grontapu. Ini a ten disi no wan pipri de di wi kan èrkèn taki den de nanga na Edom nationaliteit; den tron ’leki den no ben de noyti’. — vers 16.
[Faki na tapu bladzijde 49]
LUKU TEKST MORO BUN
○ Yona 1:17 — Fu di wan bigi fisi (potvis) abi so wan bigi ede nanga so wan bradi neki-olo, meki a kan swari wan libisma. Aladi walvis no de so furu na ini na Middellandse Se, toku Yoppe fositen ben de wan lanpe gi walvis fisiman. Wan fisi di sma sabi taki a e waka na baka sipi na ini na Middellandse Se en e nyan ala sani san den e trowe go na ini se, de na libisma sarki. Ooktu a fisi disi kan swari wan sma krinkrin. Ma ini a geval fu Yona Gado ben gebroyki „wan bigi fisi”, kande wan mekisani di a disiten sabidensi no sabi.
○ 2:1, 2 — Di Yona ben de na ini na „inisey pisi fu na fisi”, dan seyker a no ben de ini kefarlek bun omstandigheid fu meki wan puëma. Bakaten a ben skrifi en ondrofeni. Fu a dipi fu en ati wortu di komoto fu den Psalm ben kon a tapu di ben sori den firi fu en. — Teki gersi nanga 2:2 nanga Psalm 120:1 nanga 130:1; 2:5 nanga Psalm 69:1.
○ 3:3 — Na bigi di Ninevé bigi no de wan sani di taki psa marki. Ala di den skotu di ben de lontu Ninevé ben de ini wan langa fu soso so wan sani fu 13 kilometer, dan na nen fu na foto kande so srefi ben abi fu du nanga den fesi foto, di ben abi wan bradi fu so wan 42 kilometer.
○ 3:10 — Na Hebrew wortu di vertaal nanga ’firi sari’, wani taki „kenki yu prakseri ini a tori fu wan libifasi di yu ben waka na en baka fositen (ofu di yu wani go waka)”. Na so fasi Yehovah ’e firi sari’ ofu e kenki en prakseri ini a tori fu na tyari fu strafu kon tapu sma di e lasi-pasi en di trutru abi berow.