Pristeri na boen njoensoe — Na famirman
1 Na kownoekondreboskopoe de njoensoe di e gi kowroe-ati na wi jesi, ma tra sma, di den ati foe den no e go na Jehovah, a no e seki den (Mattéus 13:15). Te wan sma kon na den nanga na boen njoensoe, den e sori pikinso belangstelling. Moro foeroe foe wi abi sma foe den sortoe famirman disi di no e bribi. Tokoe na famiribanti foe wi kan de e gi wi wan okasi foe gi kotoigi di kande noiti ben sa kon. (Teki gersi Johannes 1:40, 41). Foeroe sma di de now na ini waarheid, moe taki en tangi na a jepi foe wan famirman di den ben kon na ini kontakti nanga en. Joe ben proeberi kaba foe njanboen foe na aparti okasi disi foe préki? Kande joe na enkriwan di kan tjari joe famirman go so fara foe arki.
OKASI FOE GI KOTOIGI
2 Famirman di no de na ini waarheid, kande e kon pikinso na fisiti ofoe e tan wan toe dé na wi oso ini na ten foe fakansi. Disi kan gi okasi pe joe kan gi kotoigi na wan taktvol fasi. Na presi di fiti na ini joe oso joe ben kan poti boekoe di fiti gi den. Den begi di joe e begi te oenoe o njan, e gi kande wan okasi foe taki foe a matifasi foe joe nanga Jehovah. Teki joe famiri go na den komakandra. Foe di na ini na ten dati joe e go getrow na komakandra, kande joe e kisi na okasi foe ferteri fa sani e psa drape èn foe san-ede joe e feni en prenspari foe go. A ben sa wani taki wan blesi gi den te den ben sa sidon na a osofamiri studi èn ben sa kan arki. Efoe joe ben kan go na den na fisiti, dan kande joe kan feni tra fasi foe kan gi wan boen kotoigi.
3 Te famiri e miti makandra, dan nofotron pikinnengre e de a sani di ala sma belangstelling e go na den. Nanga dati na ini prakseri, den papa nanga mama, na fesi ben kan loekoe wan toe fundamenti pisi foe na kownoekondre boskopoe nanga den pikin. Wan ofoe tra takmakandra, ofoe wan sani di kan pasa kan meki pikin sontron kon na fesi nanga wan trowstoe wortoe tapoe a fasi di e seki na ati foe tra famirman. Den sortoe wortoe disi foe pikinnengre kan go sontron moro dipi leki foeroe kotoigi di bigisma ben kan gi.
4 Wawantron famirman e miti nanga makandra na omstandigheden pe sari de, te foe eksempre wan sma e siki tranga ofoe efoe wan sma ini a famiri dede. Prakseri di e gi trowstoe di abi leki fundamenti a wortoe foe Gado kande gi réde foe gi howpoe èn doro na ati.
5 Sosrefi toe na ondro omstandigheden di no boen, okasi kan sori densrefi. Den famiriman kande ben sa wani wan ferklari foe san-ede joe no wani foe teki prati nanga famirman na wan ofoe tra féstidé ofoe famirman gwenti. Sori nanga tactvol fasi san joe e bribi èn foe san-ede (1 Petr. 3:15). Na opregti piki foe joe sondro dati joe e soekoe foe feni fowtoe na ini san den e bribi, kande kan wroko dipi na tapoe den. — Odo 25:11.
GI KOTOIGI NANGA JOE FASI FOE LIBI NANGA WAKA
6 Efoe joe famirman de tranga gensman, dan ete joe kan gi alaten kotoigi baka nanga joe waka nanga libi (1 Petr. 2:12). Te alaten joe e sori belangstellling èn e tjari joesrefi na wan respekifasi dan disi kan wroko na wan boen fasi tapoe trawan. Disi de spesroetoe prenspari te den e taki sani foe tjalansi joe ofoe foe si a faste joe bosroiti de foe meki bijbel gronprakseri tjari joe. — 1 Kor. 10:31-33; 2 Kor. 6:3, 4.
7 Te wan famirman teki a waarheid, disi na wan spesroetoe réde foe prisiri. Kande no wantra sani moro e gi wi a prisiri leki foe si taki wan sma di wi lobi feni na pasi foe libi. Na froewakti dati ben sa moe de nofo foe boewégi wi foe soekoe okasi foe gi kotoigi na wi famirman.