Wan pionierlegre di e kon moro bigi wani taki prijsesingi di e kon moro foeroe
1 Di Jezus ben kaba en zending tapoe grontapoe foe di a ben „préki a boen njoensoe foe na kownoekondre”, eri esi a ben tjari kon na wan wan pikin groepoe foe foeroetendinari, di a ben kan seni go na doro na den foto nanga dorpoe di ben e wakti na „boen njoensoe”. Gi den a ben taki: „Kon na mi baka.” Den fasi foe prakseri? „Wantewante den libi den srepi a baka èn waka na en baka.” Fosi den ben seni twarfoe toe na toe èn bakaten sébitenti. Èn sjatoe baka di Jezus ben kanti komoto foe hemel na santa jeje tapoe den discipel foe en di ben e wakti ini Jeruzalem, den ben kan taki gi den fosi jarhondro pionier disi: „Oenoe ben foeroe Jeruzalem nanga na leri foe oenoe.” — Matt. 4:19, 20; Tori. 5:28.
2 Ija, na kristendom ben de wan religie di ben de ini bewégi srefsrefi, èn oenoe no ben taki na tapsé, taki na a bigin foe na fosi-jarhondro gemeente den pionier ben de na edegroepoe?
3 Na so a de ini a ten disi toe. Na a kaba foe na jarhondro di psa den salfoe brada foe wi ben firi na bigi fanowdoe foe foeroetenprékiman. Den ben meki na kari kon foe jere: „Wi e aksi 1000 prékiman.” Hondrohondro ben kon na fesi leki pionier èn na gro ini sma di de prijsesingiman ben bigi foe troe. Na historia foe Gado organisaatsi e ferteri wi taki ini kondre baka kondre a wroko ben opo gi den foeroeten bedinari foe na „boen njoensoe”, èn lontoe den krakti groepoe prékiman ben kon gro.
4 Wi e prijse wisrefi kolokoe foe dat’ede dati ooktoe ini wi kondre na gewone pioniersdienst nanga na jepi pionierdienst ben bigin gro krakti na ini den laatste moen. Prakseri pikinso: Ini na laatste afoe jari 11 njoen pionier ben kisi aanstelling. Disi wani taki taki sowan 30% foe ala gewone pionier ben kisi aanstelling ini a ten disi. Dati de heri boen! Fa a de nanga den jepi-pionier? Na go na fesi ini na taki disi foe dienst e gi dek’ati toe èn a de heri boen, soleki de foe si. Moen baka moen na nomroe foe jepipionier de moro bigi leki na ini na srefi moen wan noso toe jari psa kaba.
5 We, a moen maart abi féfi heri weekend. Wan heri moi fasi foe doe jepipionierwroko. A moen maart 1985 ben sa kan meki wan nomroe foe jepipionier kon di wi noiti ben sabi a fesi ete? Wi e bribi na ini bikasi wi si san ben doe na ini ala gemeente foe wi kondre te nanga Na „Kownoekongregro”-congres ben poti faja gi wi ati gi na foeroetendienst. Heri moi dek’ati ini na gemeente, boen eksempre foe den owroeman nanga dinari ini na diniwroko, regeling foe na velddienst èn na gi foe jepi sa wiki na faja baka èn foe doe so wi e gi oenoe dek’ati nanga den wortoe foe na apostel Paulus: „De faja a ini geest.” — Rom. 12:11.
6 Disi wani taki taki wi no sa abi jepi pionier na ini april? Nono, kwetkweti. Gi Jehovah heri organisaatsi april alaten ben de wan spesroetoe moen foe activiteit. Tapoe fodewroko 4 april 1985, boen bigi groepoe sma sa kon a makandra foe na fesa foe na dede foe wi Masra Jezus. Spesroetoe regeling nanga moeiti sa meki wi kownoekondrekomakandrapresi kon foeroe. Na Wachttoren di e kon now simultaan, abi studi-artikel di e gi foe na Avondmaal. Ala den sani disi makandra e gi na piki tapoe na aksi efoe ini april jepi-pionier o de toe. Ija, wi e howpoe srefi tapoe wan bigi nomroe.
7 Nanga den sani disi ini prakseri wi e howpoe taki den moen maart nanga april sa tjari wan prijsesingi gi na nen foe Jehovah di wi noiti ben sabi ete, bikasi na ala den foeroeten bedinari disi sondro foe wi twéfri foeroe doesoen trawan sa sroiti densrefi na den sodati ini april wi séker sa howpoe foe abi moro leki 1050 prékiman ini na veld.